袁婭維日前為薛凱琪佛山演唱會生日場站台。
曾參加《中國好聲音》的中國女歌手袁婭維（Tia）日前為薛凱琪（Fiona）佛山演唱會生日場站台，並擔任表演嘉賓，預祝壽星女後日的44歲生日。其間，袁婭維為搞氣氛大曬廣東話，可惜驚爆一句「射咗未」嚇親旁邊的Fiona。
原來袁婭維與Fiona感情非常好，兩人在台上既擁抱又錫錫，Fiona自爆連彩排都感動落淚。不過表演當晚卻發生小插曲，當袁婭維為配合主角Fiona，忽然轉channel大曬廣東話，學講：「山頂嘅朋友你哋好嘛？左邊嘅朋友你哋好嘛？右邊嘅朋友你哋好嘛？」點知好戲在後頭，袁婭維自信滿滿大叫：「中間嘅朋友你哋射咗未呀？」Fiona聽罷即尷尬掩嘴，袁婭維才知自己講錯嘢，才用普通話問薛凱琪「吃飯了嗎？」應該點講，Fiona即笑住教她「食咗飯未？」場面尷尬又好笑。
ADVERTISEMENT
第3輪消費賞最後召集！簡單上傳消費單據登記贏豐富獎品！
