許恩怡在電影《無名指》演肌肉萎縮症患者。(娛樂組攝)
許恩怡(Natalie)今日(15日)與郭富城(Aaron)父親節與出席《無名指》神秘優先場，她在戲中演Aaron的女兒，是一名肌肉萎縮症患者，她事前做足準備工夫，家訪真正病者和其家人，仔細觀察，「一啲好日常好簡單嘅動作，但對佢哋嚟講唔易，見完佢哋令我靠近咗佢哋嘅狀態。」她直言是演技大挑戰，「我要戴腰箍來限制動作，令我呼吸無咁順，同埋我角色狀態會越來越差，變得虛弱，我要好仔細睇劇本，因為唔係順住劇本次序嚟拍。」向來活躍的Natalie笑言，cut機就要放電，又大爆與城城互動「破冰」的趣事，她笑言不知城城當時是否要拍《臨時劫案》，經常自言自語講Thank you，有次她以用日文講多謝，城城立即以韓文多謝作回應，「嗰刻我就知我哋同channel，即刻friend咗！」
難忘獲郭富城梁詠琪慶生日
許恩怡拍攝此片時才18歲，她記得剎科當天已是19歲生日，當日同場的郭富城和梁詠琪齊齊驚喜送上蛋糕，「好surprise好開心，有諗過男神女男同我一齊慶祝生日。出道4年，年僅21歲的Natalie已先後演過劉德華、郭富城的女兒，也曾跟鄭伊健合作，她笑言，「仲有兩個天王。」問到是否比媽媽柏安妮更叻時，她笑言，「佢都知㗎！佢都有咁講過話羨慕！」演父親的郭富城在謝票時分享，指角色跟Natalie的活躍性格相反，「佢好熱愛跳舞，好活潑，但戲裡面要剛剛相反，係好大挑戰。」今日適逢父親節，Natalie表示邀請了爸爸入場，「我諗佢一定會喊，叫媽咪帶定口罩同紙巾。」