佘詩曼（阿佘）今日（2日）出席新劇《新聞女王2》宣傳活動。（娛樂組攝）
佘詩曼（阿佘）今日（2日）出席新劇《新聞女王2》宣傳活動，阿佘活動一開場乘坐SNK採訪車華麗進場。阿佘接受訪問表示：「今次拍《新聞女王2》同各位演員變得好熟絡，好似係一間公司做咗好耐嘢嘅同事，變得好親切！」
緊張《新聞女王2》成品
講到新劇預告片阿佘在直升機上破格演出，她說：「好彩我唔係畏高，都唔危險嘅。我都可以handle到！」被問到對於《新聞女王2》的成品是否有壓力，她表示：「每一次有劇集播出都會緊張嘅，唔知道大家覺得我做得好唔好，但我都係會盡力而為！」
第一次與黃宗澤合作拍劇
至於今次第一次與黃宗澤合作拍戲，她分享與對方合作非常有火花，並表示：「佢係一個好有經驗嘅演員，呈現出嚟嘅火花比劇中更加精彩。」談及李施嬅缺席劇集宣傳原因，她僅表示並不知道。
回應許紹雄上月離世
講到許紹雄上月離世，現時的心情是否已經平復，她說：「大家都已經係大人，而且亦都真係要做嘢，只可以將呢一份小小嘅秘密擺喺心裏面，就算唔開心出嚟做嘢都要做返自己，我唔可以長期喺呢個狀態裏面，都要對得住劇集嘅製作同投資方。」她續說自己一定要堅強面對人生，因為許紹雄是開心果，要秉承着他對於人生歡樂的態度。
