Isabel與焯皓蒙上雙眼，伸手入水缸猜「水中物」接受大懲罰。
梁佩瑚(Isabel)為奇妙電視主持節目，請來胞弟梁焯皓擔任嘉賓，這次是兩姊弟首次現身電視節目，Isabel愛弟情切，專誠和焯皓同座，卻弄得焯皓一臉尷尬，兩位拍檔歐錦棠和鍾煒喬，一開始取笑焯皓怕家姐，之後卻掉轉槍頭，一起指責Isabel，管束細佬焯皓。
焯皓指，本身確實有多種恐懼症，歐錦棠和鍾煒喬取笑說：「你係咪患咗梁佩瑚恐懼症呀？」焯皓稱：「我向來好驚腸粉，最近就好驚女人！」Isabel聞言即時追問原因，焯皓解釋：「早前搭巴士，遇到個體味好臭嘅女人，臭到想嘔！之後就好驚女人，連響中環見到著黑絲嘅女人，都不期然會諗起嗰陣臭味，遲下唔知會唔會鍾意男人！」Isabel一面擔心地說：「情緒病有可能影響生命，有問題就睇醫生啦！」
因Figure公仔姐弟鬧交
Isabel續指，焯皓還有強迫症說：「去襯佢屋企都唔敢亂掂嘢，因為佢將所有嘢放到井井有條，連remote都要擺同一個方向，唔亂得！」Isabel笑謂，有次叫工人姐姐幫焯皓執屋，執完卻被焯皓埋怨，焯皓解釋：「工人姐姐幫我啲figure掃塵，掃完搞亂咗佢哋啲甫士！」同樣熱愛figure的歐錦棠，聞言好有同感，加把口怪罪Isabel說：「你做乜搞人啲figure啫，figure唔搞得㗎！」鍾煒喬醒目地即刻轉話題說：「根據經驗呢個話題，佢哋可以講10個鐘，我哋都係言歸正傳！」
歐錦棠在節目中指責Isabel，搞亂焯皓的figure公仔。
【立即參加】送Rollink全球最輕薄可摺疊手提行李箱🧳！
