謝可逸搭上失婚CEO方潔盈，名字因而令人熟悉。
無綫藝人謝可逸被爆背住女友謝文欣，搭上失婚CEO方潔盈(Jathy)，有指女方現時懷有身孕，經手人應是謝可逸。Jathy兩度離婚，大女是她與首任丈夫所生，而細仔則是與第二任老公所生的，不少人對於Jathy的小朋友有不同爸爸成為討論對象。今日她在社交平台公開帖文，用千字指控首任丈夫，除了親揭家暴事件，更指對方與「戴xx」有曖昧，甚至指對方「將鹽水當HPV，你當時係大角咀診所咁做，其實好無良，你知唔知？咁做會有報應嫁！」
Jathy在社交平台怒斥前夫T先生。
Jathy謂︰「你唔需要再係人面前扮慘，又或者成日話我啲仔女唔同姓，諗住傷害我，我『遇強愈強』，一直以嚟，我靠自己一雙手湊大對仔女，教佢地將來要做一個對社會有貢獻嘅人，我對仔女依家係點，身邊嘅人有目共睹。我有權自己選擇自己條路點樣行，唔需要靠任何人，唔需要再啞忍受任何人對我嘅傷害，我同你講，呢一點無論你點樣再抹黑，我對仔女，我身邊嘅人，都一定會識分『是非黑白』，知道我係一個點樣嘅人！」
戴夢夢疑似介入別人婚姻。
提到「戴xx」，Jathy原本是寫「戴夢X」，及後才改回「戴XX」︰「你當時同『戴x x』曖昧，係whatsapp 講晒『I love you』，『Don’t leave me』又俾我發現左，見戴小姐病，送藥送到上人地何文田屋企，當時我決心唔想再同你一齊，搵屋搬左去中環，同你分居，後期先識左第二任先生，知道同你都無可能，所以同你離婚，其實你知唔知點解我當時會同佢一齊？係因為人地終於肯同我同個女星期日「家庭樂」呀，而你呢？我只係想一家人齊齊整整出街，我有同你先分居，後離婚。我幾時有俾綠帽你戴？」
戴夢夢疑似介入別人的婚姻，她向傳媒澄清從沒介入過Jathy的婚姻，希望不要把她拖落水，強調男方只是她全家的家庭醫生，對別人的家事沒有回應。」