2025-08-10 17:35:00

謝安琪回應做Kelly 嘉賓失準緊張致氣促：原來我係有啲自卑

謝安琪(Kay)今日現身九龍灣，出席自閉症服務中心開幕禮，身為一對子女的母親，她分享與子女相處點滴，面對明年往澳洲升學的長子，Kay每次想起都大感不捨，她又讚幼女kakaball抗壓能力超高，自愧不如。早前擔任Kelly演唱會嘉賓，就因壓力影響呼吸，致表現失準，幾個星期都不敢上網看留言，全靠老公張繼聰督促做運動抒解情緒，更意外地減磅。

Kay自言認識一些育有自閉症孩子的父母，對他們所面對的壓力亦略有了解，認為無論孩子能力如何，為人父母總有各種擔心和壓力，最緊要找到適當的人去分擔，隨著公眾的關注提升，喜見有更多專業的訓練提供予自閉症孩子，助他們融入社會。

讚女兒抗壓力高

Kay自言面對壓力的能力，比女兒Kakaball更差，事緣早前一家人去西班牙，帶女兒參加跳舞比賽，女兒因仰慕隊中的姐姐，喜歡越級挑戰，今次是國際賽，面對來自英國、美國、俄羅斯和冰島等女生，11至14歲身高比張繼聰更高，「我做觀眾都好緊張，驚到心跳加速，好擔心個女睇住咁犀利嘅參賽者，但我見佢對眼有火，萬二分力度咁跳，我feel到佢遇到困難冇退縮，佢萬二分努力跳到最好，跳完未公布賽果，佢就開始喊，唔係覺得自己輸，而係釋放咗壓力，喊到眼睫毛都甩埋，我都忍唔住，攬住佢一齊喊。」最後女兒的隊伍也獲得第10名，成績算是不錯。

大爆長子想做爸爸

至於兒子張瞻明年2月將往澳洲升學，Kay大感不捨，但身邊兒子亦很乖巧，多抽時間陪她、妹妹和父親，甚至肯入廚房學下廚，她又大爆張瞻遺傳了爹哋的風趣幽默，不時大講抵死笑話引大家笑。她指兒子很喜歡小朋友，選讀小學體育教師課程，「佢無講拍拖或結婚，但就跳步話好恨做爸爸。」至於可有想像過兒子娶外國女生，她笑言跳步太快，難以想像，又指兒子好口密，從不透露有否拍拖和擇偶條件。」

談演出失準雙眼通紅

談到早前擔任Kelly演唱會嘉賓，與對方合唱《囍帖街》時被網民狠批走音失準，Kay首先多謝網民關心，「講真我唔係好敢睇留言，容易脆弱。我嗰日係有啲緊張，估唔到自己有咁低能嘅緊張。」Kay憶述當時心情，一度眼紅紅，「嗰日去到紅館，因為我一直都申請唔到，而家講都有少少feel，原來我係有啲自卑，我申請咁耐都申請唔到，結果要成為朋友嘉賓，先有機會喺度唱歌，而家講都有少少情緒，我冇我啲仔女咁堅強，面對壓力會影響自己呼吸，緊張就會氣好促，節奏都亂晒，講嘢都會急咗快咗，呢個都係我長久嘅問題。」她形容就像她的新歌《50/50》歌詞「高峯人生低谷人生也要出發」，這事提醒她經常因情緒影響呼吸，連表演也受影響。

感自責靠張繼聰疏導

問到是否與爆肺有關時，Kay就答道：「係有啲關係，以前爆過好多次肺，但我唔想用呢個做藉口，每個人都有自己困難，但情緒起伏係我長久課題，我以為我已經冇咗呢個問題，估唔到嗰日去到紅館會刺激到，我好容易自信不足影響狀態。」她坦言感自責，幾個星期都不開心，亦不敢看留言，幸好身邊有個積極老公，「佢咩嘢事都係靠運動做番好，所以每日啲我起身，行跑步機，真係做gym，早睡早起，好彩佢督促我，我冇上網、做運動又跟佢飲食，輕咗2kg。