謝安琪主動提起「淫Kay」花名（「米紙」訪問截圖）
歌手謝安琪近期推出嘅新歌《成婚破浪》由老公張繼聰作曲，而Kay早前接受網媒「米紙」專訪亦大談婚姻及家庭生活，更自己提起連登網民叫佢「淫Kay」嘅花名。
視淫Kay為讚美
當年有傳媒以「淫Kay」一名明踩謝安琪，呢個名更被網民受落，連Kay本人都試過為呢個稱呼發火。不過事隔多年，謝安琪唔止自己親口講出呢2粒字，仲認為係一個古怪同另類嘅讚美方式，而且唔會有人直呼佢「淫Kay」，所以唔係幾影響佢。
早年被封係天后挑戰者，謝安琪成為被寫衰對象，佢憶述陀住大仔張瞻時曾經被詛咒流產，甚至「個仔出唔到世」，因此對於身邊人受波及會好介懷。當然張繼聰都曾經受到「好好招呼」，而家阿聰冒出頭來，Kay話大家都覺得佢捱過咗，戥佢地夫婦開心。但係Kay喺訪問中提到夫妻最大難關時，爆出多年前佢同張繼聰地位懸殊，令阿聰承受好大壓力。夫妻一度齊齊受情緒病困擾，而阿聰更加有輕生之念，「佢冇諗過放棄婚姻，但有諗過放棄生命」，甚至寫定遺書，令Kay好難過。多年後，張繼聰處理好情緒問題，有日搵返遺書出嚟，但係Kay無勇氣打開封信去睇。
原文刊登於 Yahoo 娛樂圈
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
