霆鋒廣州開騷，經歷大風大雨。
謝霆鋒日前在廣州展開一連三場的演唱會，連日來受颱風影響，霆鋒都冒雨開騷，全身濕透，更在安全理由下，取消了升降球環節，謝霆鋒幽默大喊：「謝停風、謝停雨！」不過，壞天氣亦無損觀眾在戶外睇騷的熱情。
昨晚尾場，上天終於聽到霆鋒呼喚「停風停雨」，他在台上表示：「唔係打風落雨喇！點解你哋可以咁勁？首先要多謝今日嚟嘅每一位，我相信大家今日出門同我一樣會問，係咪打風落雨呢？會唔會影響到大家？因為今朝早好多媒體都話落狗屎，會唔會觀眾覺得嚟呢度俾雨淋。但係你哋今日坐喺度，多謝！」昨晚個唱更重現升降球環節，霆鋒登上升降球，並興奮高呼：「我終於上到個波喇！頂你個肺！」全場觀眾都歡呼大叫，將氣氛推至高峰。
