楊煜謙早前參加韓國選秀節目《BOYS II PLANET》，跳唱BIGBANG的《BANG BANG BANG》時舞蹈誇張，最終被淘汰。
在韓國選秀節目，憑着跳唱《BANG BANG BANG》片，網上爆紅的香港年輕男藝人楊煜謙（Nicolas），將於下月2號23歲生日，「羊肉串」（楊煜謙fans暱稱）為他準備生日應援相框，在全港接近30個自拍亭上架，其中一款更有他「Bang Bang Bang」招牌跳舞手勢。昨日他與小師姐連家穎（Vian），以及兩位同門新人江博熙（阿熙）和成基哲（Blues）率先拉隊到旺角試玩。4個00後大細路塞爆自拍亭，非常搞笑。fans可於9月7日前可以與Nicolas「合照」。
Vian、阿熙和Blues大唱暴走版生日歌為Nicolas預祝生日，並祝他身體健康，好似他跳唱《BANG BANG BANG》時一樣充滿能量，「BangBang有力」，Vian祝他追夢路上好好享受，找到快樂！Nicolas生日願望：「繼續進步、繼續努力、天天向上，因為我仲有好多缺點，仲有好多進步空間。」楊煜謙早前參加韓國選秀節目《BOYS II PLANET》，跳唱BIGBANG的《BANG BANG BANG》時誇張兼獨特的舞蹈，令評審及練習生們爆笑，但最後被淘汰。事後他上載視頻剖白心情，感恩6星期的訓練留下美好回憶和經驗，面對網上不同評論，他說：「要內心強大，在哪裏跌倒就在哪裏爬起來！」
去年以女團Me&出道的Vian，轉眼榮升師姐，「我記得第一次見Nicolas，佢準備去韓國比賽前，喺排舞室睇到佢跳唱表演，覺得佢好吸睛，眼神好銳利，好吸引，忍唔住會繼續睇佢。」Nicolas感激小師姐充滿正能量：「Vian畀好多鼓勵，成日搵到好多位讚我哋，例如佢睇完我表演，讚我講韓文OK，其實我唔識。」其實識講韓文是Blues ，因為他是半個韓國人，Vian說：「Blues好犀利，一個人搞掂晒作曲、填詞、混音、唱歌，全能音樂人。」
立即更新/下載AM730手機APP 體驗升級功能
