連生三女陳嘉寶封肚

兩女之母陳嘉寶(Anjaylia)，昨日宣布誕下第3位千金，成為今年娛樂圈首位誕B的星媽。Anjaylia預產期本於去年年尾，結果「逾期居留」至月初才出世。B女出生時重7.2磅，已取名為Azaliah。Anjaylia說：「好感動，尤其醫生將BB擺喺我心口俾我抱時，之前兩個女都冇比我抱咁耐。啱啱上一刻明明喺個肚入面，突然之間就出咗嚟擺喺心口，感覺好神奇。」

Anjaylia指兩個家姐第一眼看到妹妹，各有不同反應：「佢哋好鍾意BB。大女完全冇呷醋，同我哋講話『我好鍾意Azaliah』；細囡成日想摸佢，不過有少少呷醋，有陣時見我抱BB都會埋嚟叫我抱。」她稱生完3個，選擇封肚。