MIRROR除了演藝工作外,隊中不少成員也分別創立了自家品牌,晉身老闆行列,包括江𤒹生(AK)﹑陳卓賢(Ian)﹑柳應廷(Jer)﹑及楊樂文(Lokman)及盧瀚霆(Anson Lo)等,而日前「大表哥」邱士縉(Stanley)亦與友人合資開設健身室。
Stanley昨晚在社交網貼出多張健身的黑白照,大晒粗壯手臂,並宣布上個月已低調地實現了另一個Project,就是擁有自己的健身室,他寫道:「以前有朋友問: 點解你咁鍾意做運動? 當時我嘅回答係: 無架喎,想大隻啲,有型啲,著衫都好睇啲嘛! 但宜家我嘅回答係,我覺得做運動好實在,好公平。 你努力付出咗幾多,就會得到幾多回報! 當中不存在僥倖,係真真正正的一分耕耘,一分收穫。 呢個信念影響我好深,令我即使工作上迷失嘅時候,仍然可以提醒自己要努力」。
Stanley 感恩遇上這個團隊,他表示:「佢哋嘅火感動到我! 佢哋唔係為咗要賺錢,佢哋真心想教好每一個學生,令學生更健康! TEAM’S嘅理念就係運動唔應該一個人做,係應該一班人一齊做!希望大家會支持我哋,TEAM’S! 」