娛樂
2024-06-12 23:06:43

郭柏妍劇接劇拍攝 投入新角色仍唔捨得《麻雀樂團》劇組

分享:
郭柏妍超開心可以跟譚俊彥及李佳芯合作。(羅錦鴻攝)

郭柏妍超開心可以跟譚俊彥及李佳芯合作。(羅錦鴻攝)

郭柏妍與譚俊彥、李佳芯、謝東閔等出席新劇《麻雀樂團》(暫名)的煞科宴。為了此劇剪去長長秀髮的郭柏妍,表示非常不捨自己的短髮造型,自己亦很開心學習大提琴。她稱開初不太習慣短髮,但隨住拍攝之後,覺得短頭髮是非常配合角色,「真係剪得非常啱」!

郭柏妍非常感謝監製羅永賢(正中)再找她拍劇。(羅錦鴻攝)

郭柏妍非常感謝監製羅永賢(正中)再找她拍劇。(羅錦鴻攝)

開心跟譚俊彥李佳芯合作

郭柏妍在訪問中多次表示拍攝《麻雀樂團》非常開心,她稱因為可與譚俊彥、李佳芯、謝東閔、黃庭鋒合作。她說︰「好開心可以喺佢哋身邊學好多嘢,真係袋錢落我袋!」她又很多謝監製安排老師教她拉大提琴,現場又有管弦樂的人指導她,令她順利完成拍攝。

她又說到︰「好多謝大家喺現場俾信心我,因為有時候嗰下好似㩒下㩒下好容易,但背後要花好多功夫同努力。有啲樂團成員真係學咗好耐,唔係學一陣就識,佢哋真係學咗十幾年、廿幾年,去鑽研嗰種樂器,我好多謝同尊重佢哋,呢一、兩個禮拜挨更抵夜開廠,真係冇諗過可以完成呢件事!」

adblk5
郭柏妍坦言非常不捨整個劇組。(羅錦鴻攝)

郭柏妍坦言非常不捨整個劇組。(羅錦鴻攝)

感謝監製再搵自己做戲

提到她已火速投入另一劇集《金式森林》,而且角色要變回長頭髮,她表示需要戴上髮片拍攝,感覺幾有趣。問到如此短時間,能否抽離角色,她稱臨近《麻雀樂團》拍攝尾聲時,自己不太開心,「無諗過咁快完,真係有啲唔開心,我媽咪同我講,原來我同佢講咗好多次『哎呀,我呢套劇拍完啦』,我媽再同番我講『阿女,我知你套劇拍完啦,你唔好再同我講啦!』我先知自己內心係好唔捨得,自己都唔知。」

問到為何如此不捨,她稱劇中的導演、監製都是看著她長大,「特別是羅永賢,因為《白色強人2》係佢第一次搵我,今次佢再比沈嘉呢個角色我,真係好多謝佢!」

郭柏妍出席《麻雀樂團》(暫名)的煞科宴。(羅錦鴻攝) 黃洛妍。 《麻雀樂團》(暫名)的煞科宴。(羅錦鴻攝) 何啟南、姜大衛、韋家雄出席《麻雀樂團》(暫名)的煞科宴。(羅錦鴻攝) 新劇《麻雀樂團》(暫名)煞科宴