娛樂
2022-09-23 18:45:50

鄧佩儀IG更新近況 重返校園進修粉碎被雪藏傳聞

分享:

鄧佩儀

2013年華姐冠軍鄧佩儀(Gloria)係近年TVB力捧上載花旦之一,上年更首次擔正新劇《換命真相》女一,但之後就被傳出難相處及同劇演員鬧不和等緋聞而被公司「雪藏」,因此心淡返回加拿大。近日鄧佩儀喺社交網站上載靚相兼更新近況,原來佢唔係被雪藏,只係自己向公司請假返回加拿大,重返校園進修。

一年完成未讀完嘅工商管理學士課程

近日鄧佩儀喺社交網站上載靚相及近況,Gloria向公司請假,重返名校英屬哥倫比亞大(UBC)校園進修,以一年嘅時間去完成入行前未讀完嘅工商管理學士課程,以及修讀有關電影製作課程,寫上:「抱歉一直MIA,最近真的很忙因為是學校的考試期 感恩能夠續修我的學位,感恩能夠好好陪家人。」

鄧佩儀喺8歲時移民到加拿大,考入UBC主修市場學,畢業後回流返港。13年Gloria代表溫哥華參加《國際中華小姐競選》奪冠,其後再代表溫哥華參選2013年度國際中華小姐競選獲得冠軍,從而加入娛樂圈。加入TVB後,Gloria隨即參與劇集拍攝,喺14年劇集《點金勝手》中飾演黃宗澤妹妹,不過可惜演技生硬,被瘋狂劣評。之後,佢亦有參與唔少劇集拍攝,例如《幕後玩家》、《超時空男臣》及《鐵馬戰車》等等。

被網民指與陳慧琳相似

2017年為劇集《幕後玩家》而將一直留有長髮突然剪短,更曾經被網民指佢與歌手陳慧琳有幾分相似。隨住加入TVB演出日子越耐,Gloria演技都開始被受肯定,好似憑《鐵探》飾演臥底探員Kay ,演技備受網民讚賞,兼入圍「最佳女配角」及「飛躍進步女藝員」;前年喺《降魔的2.0》中飾演「降魔富二代」施萊斯Liz,與胡鴻鈞有唔少對手戲,佢為令胡鴻鈞恢復人性,期間吸入過多氮氣導致出現失溫問題,最終離世,睇到網民心都痛埋,演技備受讚賞。上年鄧佩儀首次擔正新劇《換命真相》女主角,仲有譚俊彥、張頴康及朱敏瀚等人主演,劇集被安排喺台慶檔期出街。

鄧佩儀

《換命真相》劇照

《換命真相》劇照

《降魔的2.0》截圖

鄧佩儀

鄧佩儀

鄧佩儀

鄧佩儀

鄧佩儀

鄧佩儀

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受