娛樂
2024-07-09 11:56:59

鄭伊健巡唱倫敦站撞歐國盃感激歌迷入場 談15年前低潮期眼濕濕(有片)

分享:
鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會。

鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會。

鄭伊健於英國舉行演唱會「HERE & NOW EKIN IN CONCERT 2024 LONDON」,於當地時間76日晚上假倫敦Eventim Apollo舉行,開騷當日適逢歐洲國家盃賽事,伊健說:「我第一次英國開騷,好難得,多謝你哋選擇唔睇波,嚟睇我演唱會!」歌迷反應熱烈,兩度encore的伊健,三度眼濕濕,當唱到2009年低潮期黃偉文(Wyman)筆下的《新歌》,更要強忍流水。

今次巡唱倫敦站仿如「大型K房現場」,因為無論伊健唱《友情歲月》、《一生愛你一個》、《感激我遇見》等冧歌,還是《極速》和《自動勝利Let’s Fight》等快歌,全場觀眾都自動自覺大合唱。就連小師妹黃淑蔓(Feanna)唱伊健出道檸檬茶廣告歌時,歌迷都跟住唱,伊健見狀即興重演廣告情節和經典對白,尖叫聲不絕。

鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會。 鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會。 鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會,小師妹黃淑蔓Feanna隨團演出。 鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會。 鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會。 鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會。

談2009年紅館騷  好擔心

伊健選唱多首由黃偉文(Wyman) 填詞的經典作品,包括《Beautiful Day》、《吻感》、《心照》、《發現》等, 當唱到《我的歌》強忍淚水繼續唱。看到座上客的Wyman,伊健說:「我做咗歌手好耐,你哋知唔知我有段時間無唱歌?跟住就開咗一次演唱會……其實當時我好擔心,因為好耐無做過,點算呢?周邊啲人同我講『唔使驚架』、『畀心機啦』。陳光榮話寫隻歌俾我,寫咩歌好呢?我好好彩遇到黃偉文Wyman,佢今晚都有嚟!」全場起哄。伊健續說:「其實佢寫咗好多畀我,頭先我都唱咗好多首都係佢填詞。但呢首歌好特別,叫做《新歌》,我唔知大家有無聽過,因為嗰陣時我低低地潮,有新作品都未必咁多人知道。」

15年後領悟歌詞談人生

伊健談到這首於2009年發表的作品,「講返呢隻歌,點解叫《新歌》?當年我睇歌詞問點解,點樣『新嘅我』?嗰陣時理解能力有限。但今日攞返首歌出嚟,我同陳光榮講:『嘩,原來呢首歌唔係講我喎,係講一個人生。』我唔識講,不如唱啦!」伊健被歌詞感動眼濕濕。唱完他深呼吸,整頓情緒後唱出演唱會最後一首歌《Together》,他說:「做人要開心啲!」舞蹈員帶埋幾袋crew tee「手信」出場,與伊健一齊拋向觀眾席,全場High爆。

adblk5
鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會。 鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會。 鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會,三度感動到眼濕濕。 鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會。 鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會,兩度encore。 鄭伊健於倫敦舉行「HERE & NOW EKIN IN CONCERT 2024 LONDON」巡迴演唱會,兩度encore。

 

感激歌迷沒離開

完場後歌迷狂叫Encore,伊健再度出場唱《動地驚天愛戀過》,當看到歌迷全部站起來,揮動手機燈如星海,他再次眼濕濕並一度哽咽,在觀眾歡呼聲和掌聲打氣下唱畢歌曲。由於觀眾仍不肯離開,他再度出場,「所有歌真係唱晒,導演叫我出嚟唱多首歌。點都好,多謝你哋,無離開,Thank You!我演唱會有個特點,就係希望大家開心,所以點都要加多隻歌。希望大家開心咁離開呢個地方,記得我哋今日聚過,希望後會有期。」最後,伊健以《你的我》為巡唱倫敦站劃上完美句號。下一站馬來西亞雲頂。

黃偉文形容鄭伊健是他所認識其中一個「最初心」、「最無被世界改變嘅人」。 黃偉文公開要求陳光榮舉行作品展。 黃偉文細訴與林珊珊相識點滴,大讚她沒架子。

Wyman形容:最初心的人

其後,WymanIG先後出了3個帖,分別與林珊珊、陳光榮和鄭伊健合照,細數後此認識的點滴故事,談到伊健時寫道:「相識接近30年,從來未試過同枱食飯,相熟程度自從我冇做DJ1998年開始,一直以『每5年傾到3分鐘偈』嘅速度爬行,但冇壓力,因為冇預定要去嘅目的地。亦完全無損『工作時互相信任、做人時互相尊重』嘅優雅距離,係,即係有距離,但係係優雅嘅。欣賞嘅人,唔使個個都做到好朋友嘅。我欣賞佢咩?佢係我識得嘅人裡面,其中一個『最初心』『最無被世界改變嘅人』。」