Ad Block Ad Block
娛樂
2023-03-16 12:32:24

鄭秀文新MV遠赴法國拍攝 電影《潛行凶間》名場面取景凍到震

分享:

Sammi到巴黎拍mv。

鄭秀文(Sammi2023年第一首派台作品《愛是...2.0feat.好青年荼毒室)》推出後,反應熱烈。MV遠赴法國取景,Sammi以不同華麗造型穿梭巴黎,其中她在一間超過200年歷史的古老建築物內取景,精緻的天花設計和紅色的布置,濃濃懷舊氣息,她開心得在舞池中不停氹氹轉,「今次可以在法國巴黎拍MV,好似發緊夢咁,無諗過可以完成呢件事,《愛是...2.0》係我好鍾意好鍾意嘅新歌,亦係今年第一首派台歌,成首歌嘅風格都『好有型』,希望大家鍾意。」

出動暖水袋

拍攝當日,Sammi天未光就起床,開始首天拍攝工作。第一站是電影《INCEPTION》(潛行凶間)內都有出現過的比爾阿克姆橋(Pont de Bir-Hakeim),在橋上可以見到巴黎鐵塔,是打卡熱點。Sammi穿著藍色長裙,背部設計盡顯線條,玲瓏曲線,配合長長拖尾,非常華麗和有型。鏡頭外她穿著厚厚的羽絨大褸和抱著暖水袋,凍到牙關打震,仍難掩她興奮的心情。抱住援水袋的她說:「嚟到大家好熟悉嘅旅遊景點,好多戲都喺呢度拍,例如《INCEPTION》,仲見到巴黎鐵塔添!雖然大家見到我著到好靚,但其實我凍到不得了,巴黎嘅早上好凍,黐咗一身暖包。今次要走好多場地,要換好多靚衫拍MV,團隊繼續努力!」然後Sammi繼續行程,到古著店、火車站、餐廳和街頭拍攝,配合不同造型,恍如一個時尚旅遊特輯。

Ad Block
Ad Block

Sammi背部設計盡顯線條,玲瓏曲線,配合長長拖尾,非常華麗和有型。

請接受以下私隱政策及免責聲明,以示你同意am730內之私隱政策及免責聲明。了解更多
接受