里奧費迪南來港宣傳，與程人富一齊重演送禮事件。
「雙紅會：謝拉特、費迪南邀請賽」將在10月18日於啟德主場館上演。兩支傳奇球星隊將由利物浦退役名宿謝拉特和曼聯退役球星里奧費迪南分別領軍來港。日前里奧費迪南親臨香港宣傳，與程人富拍攝宣傳短片，更重現20年前經典「送禮」場面，令人笑過不停。
片段開首，程人富見到里奧費迪南之後，立即表示等一陣，於是見到他走入香港大球場的更衣室，拿回一件對方在廿年前遺留下來的禮物，及後程人富再次送上相同設計的禮物，見到里奧費迪南笑住表達多謝，但鏡頭一轉就見到對方再次「遺留」小薯茄海報。
2005年，曼聯來港踢波，李克勤以官方網站大使及歌手身份送上貼滿自己靚仔相、並再寫着「Welcome to Hong Kong」的紀念品，可惜事後卻被棄置於更衣室內，未有帶走，自此被網民稱為「送禮勤」。事隔多年之後，李克勤表示「如果大家講時係開心我唔介意」，又謂「呢個唔係我問題」。
他亦曾在電台大方回應說︰「我真係唔覺得係一件好大嘅事，個名其實係好小兒科，送禮係中國人美德……唔好諗太多呢件事係點。」他又提到自己跟朗尼合照，坦言對方一定「唔知呢條友係乜水」極其量是公關跟朗尼等人介紹他是來自香港的歌手來幫手宣傳。克勤說︰「足球就係足球，唱歌就係唱歌，唔會因為過十幾年之後，我成長咗就喺曼聯會有個地位，摩連奴係唔會識我㗎！」他又指其實當大家都是商品，只是互相利用而已。
