Ad Block Ad Block
娛樂
2024-02-06 18:50:17

金像獎2024|黃子華盧鎮業入圍影帝殘酷二選一 廖子妤:點解咁殘忍呢? (有片)

分享:
金像獎2024|子華小野入圍影帝殘酷二選一 廖子妤:點解咁殘忍呢?

廖子妤與阿冰分別入圍最佳女配角及最佳新演員,兩人表現相當興奮。 (羅錦鴻攝)

第42屆香港電影金像獎今日(6日)公布提名,大會安排劉俊謙、廖子妤(Fish)、周漢寧及吳冰(阿冰)為活動擔任嘉賓宣布入圍名單,當中廖子妤與阿冰分別憑《毒舌大狀》和《1人婚禮》角逐最佳女配角及最佳新演員,兩人表現相當興奮,並在活動結束後接受傳媒訪問談及入圍心情。

Fish表示:「我唔知呀!我魂魄好似未返嚟咁,我宜家仲感受緊嗰個喜悅,實在太開心,因為聽到很多熟悉嘅名字,我哋嘅工作夥伴,大家今年都有好嘅成績,今年真係好開心。」輪到阿冰分享入圍感受,她自言當時無法管理好表情,當時心情實在太真情流露:「當下㩒唔住喜悅,然後我就笑咗出嚟,多謝大家!」廖子妤就透露當劉俊謙揭曉最佳女配角時完全不敢望對方,到聽到自己有份時,形容是自己個名最好聽的時候,劉俊謙指與Fish也屬同期出道,貶眼已十多年,劉俊謙說:「見到佢同小野(盧鎮業)咁,仲有阿冰,我都覺得好戥佢哋開心。」

Ad Block
阿冰憑《1人婚禮》角逐最佳新演員。 (羅錦鴻攝) Fish當得知男友盧鎮業有份角逐最佳男主角時,比起自己入圍更加開心。 (羅錦鴻攝)

廖子妤:我交畀評審

廖子妤在揭曉最佳男主角入圍名單時顯得份外激動,她直認:「係呀!有五個名字啦,我都唔敢往下睇,見到第一個、第二個、第三個,到第四個、第五個真係非常之開心,恭喜子華!」立即引來全場大笑,此時記者即問她最想偶像子華抑或男友小野勝出,Fish即無奈嘟嘴,並答:「點解咁殘忍呢?手心又係肉、手背又係肉,係咪要揀先?我交畀評審。」她補充無論由那位演員奪得影帝都好開心,Fish表示對同輩余香凝能夠角逐影后感到相當開心。

Ad Block

劉俊謙去年打入台灣市場喜見成績,問到近期返港工作心情如何?他即答:「講廣東話係舒服好多㗎!同埋,感覺到大家係一家人、一份子。」劉俊謙對於《白日之下》的簡君晉、《年少日記》卓亦謙能夠入圍新晉導演亦戥兩人開心,他認為新一代導演和編劇應值得大家多加留意及支持,特別是編劇,一部戲最重要編劇,認為沒有編劇,其實導演和演員做甚麼都沒有用。廖子妤興奮心情難以平復,都希望可以提前慶功,好想飲酒慶祝,更即場邀請劉俊謙一齊去飲番杯。

Ad Block
金像獎2024提名名單|(am730製圖) 金像獎2024提名名單|最佳電影(am730製圖) 金像獎2024提名名單|最佳導演(am730製圖) 金像獎2024提名名單|最佳男主角(am730製圖) 金像獎2024提名名單|最佳女主角(am730製圖) 金像獎2024提名名單|最佳男配角(am730製圖) 金像獎2024提名名單|最佳女配角(am730製圖) 金像獎2024提名名單|最佳編劇(am730製圖) 金像獎2024提名名單|最佳新演員(am730製圖) 金像獎2024提名名單|最佳攝影(am730製圖) 金像獎2024提名名單|最佳剪接(am730製圖) 金像獎2024提名名單|最佳美術指導(am730製圖) 金像獎2024提名名單|最佳服裝造型(am730製圖) 金像獎2024提名名單|最佳動作設計(am730製圖) 金像獎2024提名名單|最佳原創電影音樂(am730製圖) 金像獎2024提名名單|最佳原創電影歌曲(am730製圖) 金像獎2024提名名單|最佳音響效果(am730製圖) 金像獎2024提名名單|最佳視覺效果(am730製圖) 金像獎2024提名名單|新晉導演(am730製圖) 金像獎2024提名名單|最佳亞洲華語電影(am730製圖)
請接受以下私隱政策及免責聲明,以示你同意am730內之私隱政策及免責聲明。了解更多
接受