娛樂
2023-10-02 17:32:24

鍾培生拳賽|龍心劉馬車記招直撃!大撻新朵 霍哥周永恆忍笑(有片)

分享:

鍾培生宣布拳賽加入龍心及劉馬車。(蘇文傑攝)

鍾培生的《培生擂台無敵盃2023》將於121日在灣仔修頓球場舉行,今日他在記招上表示,海選已收到700多人報名,他亦親自致電不同報名人士,並透露當中有來自世界不同地方,甚至有醫生、的士司機、麵包師傅等報名。他透露會挑選90位參賽者在海選中較量,最後選出可觀性較高的812組人士,於121日與霍哥、周永恆、龍心及劉馬車同場競技。

鍾培生自言很開心可以邀請到龍心及劉馬車參賽,他們會打4個回合。門票將於106日公開發售,普通票價為$580及$880VIP門票則分為2千多元及4千多元。VIPVVIP門票人士均可享有獨立通道、廁所,座位會較前及舒適,其中VVIP更可與拳手拍照、品嘗鮑魚和香檳。他希望今次可以炮製最精彩的賽事。

鍾培生今次找來話題多多的人士參與,並表示自己今次落足心機去製作。

adblk5

龍心新名「東方臥龍剋龍」

龍心在記招上聲稱:「我返咗嚟改咗朵,新名唔好用『龍心』,我目標唔係打劉馬車,係打『龍心』,要戰勝自己先可戰勝他人。我係由第6宇宙嚟,呢度係第7宇宙,我喺第6宇宙輸咗俾鍾培生,我跟佢姓,嚟到第7宇宙,下次我準備要『中七鍾培生』。我個新朵叫『東方臥龍剋龍』,主要今次係要強身健體,克服自己,多謝鍾培生先生搞個盛事,令香港醒神晒,相信係香港最好、對前景最好嘅娛樂盛事,我硬住頭皮都返嚟,我希望戰勝『龍心』,戰勝自己!」

adblk6

龍心的身形較圓潤,肚腩也不細。

劉馬車視鍾培生為伯樂

劉馬車就表現客氣,先多謝鍾培生邀請,令他有機會發揮,並謂:「一直覺得鍾生係一個有智慧、有眼光嘅人,外界好多人質疑我,但鍾生好堅定,成日私下交流,一直好鼓勵我。我都想透過今次證明自己實力,想俾大家知我係得,如果我係一匹千里馬,鍾生就係我嘅伯樂,我唔會辜負鍾生嘅期望。近呢幾年都經歷咗好多嘢,身體都唔好,自己都可能時日無多,今次拳賽,我有必死決心,一係打低龍心,一係俾佢打死。」

自稱「天水圍墮天地獄獸」

劉馬車又自言很討厭龍心︰「我最睇唔起唔尊重女性嘅人渣,幾年前有個女仔叫『大丁』,佢搞到人哋人唔似人,鬼唔似鬼,令我好嬲,今次除咗為我自己而戰,為鍾培生而戰,為大丁而戰,為全港女性而戰,我一定會打爆龍心呢個食屎狗,希望大家踴躍入場支持呢場大戰!我嚟緊有好多嘢要同鍾生合作,到生命最後一分一秒都會支持鍾培生!我有個朵叫『天水圍墮天地獄獸』。」當鍾培生聽到劉馬車表示跟他會有很多合作時,即面露疑惑表情,而在旁的霍哥及周永恆就不停忍笑。

劉馬車表示今次是為香港女性而戰,為鍾培生而戰。

劉馬車除衫突襲

龍心之後再以「第6宇宙」回應︰「喺第6宇宙,劉馬車好出名,叫劉沙包,俾人打冇所謂,好偉大,佢練到一身好武功,喺天水圍開咗個劉沙冰餐廳,好受人歡迎。英雄莫問出處,今次好似有好多古惑仔參加,福清幫都改咗名……」此時,劉馬車立即除衫更做出不同動作,並大叫「來呀!古惑仔呀!」而在旁的周永恆就忍笑得非常辛苦。

霍哥周永恆狂忍笑

其後霍哥拿起咪高峰笑到彎腰表示,自己仍在第6宇宙,之後再笑稱已減至81公斤,要求周永恆快開IG,而他亦大暴走對周永恆說︰「你笑笑口,我一拳打爆你,等你吞晒啲牙,塞支牙擦落去屎忽到擦!係咁多,交番俾啲主角,我返番去呢個宇宙先!」周永恆自言每日適量飲食,作息定時,跑步練氣。之後霍哥要求周永恆鬧他,笑稱:「唔係冇嘢寫!」周永恆即表示︰「有啦!我大把嘢俾佢哋寫!」

未見大打出手

去到Face Off環節,大會今次請來兩名黑人保鑣維持秩序。劉馬車與龍心脫去上衣,而龍心更多次要求打幾秒,其後他們應傳媒要求擺出不同甫士,而龍心的身形驟眼看比較多肉。兩人面對面時一度忍不住笑,但大家期待大打出手的場面就未有出現。至於上次互毆一番的霍哥跟周永恆則未有除衫,只做出緊握雙拳動作,當面對面時,霍哥即謂:「你唔好亂嚟呀!」拍完照他再拍拍心口表示驚驚。當去到單人拍照環節,劉馬車擺出不同甫士,又跪地向後拗腰,非常騎呢!

Klook.com