2025-07-08 21:15:00

鍾培生為拳賽出心出力贊助曹星如兼宣布搵四海打Black Joe

鍾培生過去透過不同形式的拳賽活動支持本地拳擊運動，豪擲千萬推廣香港拳擊運動，近年更將《培生擂台無敵盃》成為年度賽事。日前他宣布邀請羅四海與前微辣成員Black Joe對打，今日更以贊助商身份現身曹星如的復出記者會，可見鍾培生對本地拳擊活動非常支持。據了解，今次鍾培生得知曹星如於8月24日在菲律賓舉行的復出戰需要贊助商之後，二話不說答應。

此外，今年初他舉行的《培生擂台：無敵盃》番外篇「四海大戰Flash Daddy」引來網上勁大迴響，前微辣成員Black Joe隨即拍片向四海下戰書，他說︰「抽贏咗Flash咋，有咩咁X威先，你使唔使一high就high咁X耐啊……打贏咗佢好似打贏咗世界拳王咁X樣……(指住自己)澳門拳王係度，你抽贏咗我，先至話俾人聽你係澳門最X好抽嗰個。」日前四海現身霍哥的channel，更在鏡頭前表示「阿Joe，你挑戰我唔係問題，價錢傾掂可以同你玩下，我唔操都打摷你！」

鍾培生見網民要求他再搞拳賽，他亦立即成功拉攏四海及Black Joe簽下協議，一齊上擂台對打。他拍片說︰「香港人缺乏娛樂，需要更多正能量，培生擂台提供一個合法合理情緒抒發渠道！好多人同我講想睇四海打Black Joe，簽咗搞掂咗，我哋再一次同香港人、拳手、贊助商要一齊羸！No bullshit, let's go！」年初四海打到Flash Daddy拋白毛巾投降，在網上引來連日討論，如今四海與曾奪澳門拳王稱號的Black Joe對打，相信將會再次成為焦點盛事。