娛樂
2022-08-11 16:20:40

阿媽有咗第二個|毛舜筠爆彭秀慧早已心儀姜濤 眾裡尋仔搵到柳應廷

分享:
毛姐大爆彭秀慧早已睇中姜濤做男主角。 導演彭秀慧表示,最難是平衡毛姐、姜濤和阿Jer3位演員的互動。

由彭秀慧執導,毛舜筠、姜濤、Jer(柳應廷)領銜主演的《阿媽有咗第二個》,昨晚(10日)於銅鑼灣時代廣場舉行首映禮暨英皇戲院時代廣場開幕典禮。電影兩位主角姜濤與Jer雖然缺席首映禮,但無阻粉絲應援的熱場,各層商場企滿粉絲。

毛姐自爆彭導一早心儀姜濤

毛姐與導演彭秀慧在台上分享拍攝點滴,毛姐爆料指彭導一早心儀姜濤,定意找他做男主角:「佢話其中一個仔要搵姜濤,當時我仲未知邊個係姜濤,你諗下係幾早之前嘅事,咁啱我做第三屆(全民造星III)評判,睇返之前兩屆,就睇到姜濤!嘩,呢個男仔非常吸引呀,真係太好,我好鍾意佢,哈哈!好鍾意,而我哋就擔心搵邊個又係大家都鍾意呢?所以同導演搵咗好耐,最終就搵到另一個阿仔,就係柳應廷嘞!而彭導就自爆首次見毛姐已有感壓力,而且又擔心兩位新演員是否熱愛演戲,「對我嚟講要好好平衡佢哋三個,因為呢齣戲,佢哋三個關係好好嘅,如果做到呢步,就達成一大步。

《阿媽有咗第二個》演員出席首映活動,(左起)陳宗澤、曾樂彤、彭秀慧導演、毛舜筠、張蔓姿、麗英、岑珈其 岑珈其不介意被評樣衰,認為廣納意見能推動進步。 麗英在《阿媽有咗第二個》演姜濤追夢路上的神隊友,極具喜感。 陳宗澤在《阿媽有咗第二個》初登大銀幕,演柳應廷的中學同學。 首映日《阿媽有咗第二個》謝票活動

兩主角缺席 岑珈其:佢哋力量仍喺度

對於兩位主角未有現身首映活動,在戲中演姜濤老友的岑珈其就表示,「我相信大家都明白,你見好多粉絲都支持,就知佢哋力量仍喺度。而且呢部電影自己有份參與,彭秀慧導演又是自己好尊敬的導演,所以點都要撐場。」至於被網民批評樣衰卻能做《緣路山旮旯》男主角,珈其回應說,「每個批評都是令你再做好一點,我會接受任何聲音和意見。」獲老友游學修力撐是實力派,但又指醜樣難有進步,珈其隔空還擊︰「佢同我一樣,所以大家都是互相學習。」

雖然偶像姜濤缺席,大批姜糖拿著燈牌支持首映禮。 雖然偶像柳應廷缺席首映禮,一班柳柳粉仍到場支持。
隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受