田雞昨日（10日）出席電影《超人》放映活動。（娛樂組攝）
田雞昨日（10日）出席CineArt MegaBox戲院開幕禮 X 開幕電影《超人》放映活動，他接受訪問大談電影院重開感受：「好興奮啦！因為之前啲消息都好傷感。啱啱見到戲院又開返同埋有咁靚嘅戲院，好值得觀眾入嚟戲院支持。」他透露即將會有一些戲院亦會有人接手，並笑言：「呢個月都有兩套電影開緊，陸續有啲正面嘅訊息就唔會大家諗到咁灰，呢一個係好好嘅復甦開始。」
霍啟剛亦有出席 開幕電影《超人》放映活動。（娛樂組攝）
透露鄭中基本月尾受訪宣傳《阿龍》
被問到《阿龍》何時上映，他回答：「原本一開始我哋排咗四月，而家就定咗係9月4號上映啦！因為之前就係簽咗俾嘉禾院線發行，但係因為而家已經全線結業。」他預告有份主演《阿龍》的鄭中基今個月尾會接受傳媒訪問宣傳。田雞透露與鄭中基的對話：「佢都話可以講嘅佢一定講，但大家都要專注返佢要安排工作，同埋都傾吓有冇新嘅戲嘅計劃，或者演唱會嘅巡演，全部都係好正面。」
談及上半年度的香港票房成績，他表示：「上年票房唔理想都係意料中嘅事，然後上映嘅戲碼又未夠號召力，我預計下半年肯定會好過上半年，如果講好似有舊年嘅票房，就要睇觀眾支唔支持。」他繼續指現階段有許多戲院都推出減價促銷的優惠，同時有許多業主願意減租，對電影業來說是一件好事。
田雞指現階段有許多戲院都推出減價促銷的優惠。（娛樂組攝）
冇收到周星馳邀請參演《少林女足》
至於電影都市傳說《神秘寶藏》上映檔期，他表示：「《神秘寶藏》擺咗喺度咁耐最耐力持久，之前問投資方想做返呢部戲嘅後期，之後就再拎去審查，其實呢部戲我哋都覺得拍得幾唔錯。可能要等《澎湖海戰》會上映，之後就睇吓（票房）就盡快推出都唔定。」談及好友周星馳執導的億萬巨製《少林女足》，他透露得知消息目前已經煞科，另揭周星馳曾經致電給他詢問「係咪有亂講嘢？」，他則急忙澄清並非事實，並表示周星馳並沒有邀請他客串演出。
日前周星馳在社交平台分享邀請了一班忠實粉絲到片場探班。
霍啟剛亦有接受傳媒訪問大談電影院重開的感受：「好好嘅出發點，暑假可以呼籲一家大細嘅朋友出嚟睇戲。」他希望市民能夠支持電影業和香港經濟。講到會否帶太太一起欣賞電影，他表示：「我同太太就經常去睇，今晚就帶咗小朋友嚟。因為睇電影好有儀式感。」
ADVERTISEMENT
20周年「全城撐本地消費3重大激賞」！ 即睇活動詳情！
