陳健安宣布明年1月會在西九竹翠公園舉行演唱會。
唱作歌手陳健安，宣布將於明年1月10日在西九文化區竹翠公園舉行「陳健安時的狀態演唱會2026」，他將化身「時間領袖」，讓觀眾忘記身份、年齡和所有煩惱，投入他的音樂探索宇宙，尋找新伊甸園。這是安仔首次舉行個人戶外演唱會，笑言會變成「E人」，讓觀眾盡興。
拍攝演唱會海報
今次演唱會門票分為港幣$1080、$780和$580，11月3日東亞銀行信用卡獨家優先訂票。演唱會創意總監是安仔合作無間的Oscar，他們一同構思演唱會的主題和概念，海報設計Sunny也是安仔老拍檔，而攝影師阿正是新伙伴。安仔穿上大地色的西裝，在舖了沙粒的「沙漏」場景拍攝演唱會海報，寓意他就是「沙漏」裏的「沙」，亦即是「時間」。安仔說：「今次演唱會叫『時的狀態』，我會喺演唱會中控制大家嘅時間。大家忘記晒所有嘢，跟住我嘅節奏、我嘅音樂，忘記各自嘅身份，唔係老闆、唔係員工、唔係媽咪、唔係男朋友、唔係女朋友，乜都唔係，全部都係我嘅族人。一齊嚟到我嘅party，放低所有時間、年齡，等我帶領大家一齊享受整個音樂旅程。」
陳健安日前拍攝演唱會海報。
分享演唱會概念
去年2月，安仔在麥花臣場館舉行首次個人演唱會，今年轉戰戶外演出，他非常期待與觀眾享受由黃昏到日落的音樂世界，並表示：「我好開心，之前C AllStar喺呢個場開過演唱會，感覺好正，可以望住個天，由日光睇住日落唱到天黑，同大自然緊扣，我自己好鍾意睇festival（音樂節）。我都想今次演唱會似festival，好繽紛，有好多互動環節。做outdoor嘅騷，我個人都會outgoing啲，會『E』啲！」
「尋找新伊甸園」是安仔音樂企劃的主題概念，他說：「一個末世，隕石撞落地球，我哋一齊去搵呢個新嘅伊甸園。希望大家入到我嘅演唱會，會有一個咁嘅感覺，好似去咗一個新嘅世界，去explore（探索）自己、呢個世界或者我。喺呢兩個小時裏忘記所有嘢，隨着我嘅音樂去引領大家向前進。」
ADVERTISEMENT
立即更新/下載AM730手機APP 體驗升級功能
