娛樂
2024-06-14 11:52:55

陳卓賢Ian分享慶生驚喜片段 笑言「社恐現場」:嚇死我呀!

分享:
Ian分享友人為他慶生的驚喜片段。

Ian分享友人為他慶生的驚喜片段。

陳卓賢(Ian)將於7月在亞博舉行一連七場的個人演唱會,近日正為演唱會積極備戰的他,日前到商台接受Do姐電台節目訪問做宣傳。適逢Ian 剛剛迎來31歲生日,他就大談生日甚少與朋友大搞派對,反而多數都是與家人一起渡過,並表示:「最緊要約媽咪,生日唔係慶祝我出世,而係紀念呢日媽咪好辛苦生我出嚟,以往都係好簡單同家人食飯,我本身怕太多人。」 

Ian 笑言是「社恐現場」。 Ian 起初以為職員為他唱生日歌,即拍拍心口表示:「嚇死我呀﹗ 」

節目中他又提到上星期與友人食飯的經歷:「坐bar枱食日式嘢,突然間餐廳熄燈,我就好驚話做咩事,你哋(朋友)唔係諗住唱生日歌?原來係隔籬有位客人都生日,我就話:『好彩,你哋(朋友)千祈唔好搞啲咁嘅嘢』,我塊面已經即時紅晒,我覺得有啲尷尬,要等全場人同你唱生日歌,我話『你哋冇呀嘛?』佢哋話冇,點知隔咗10分鐘之後,又熄燈,原來今次係我,然後我就塊面紅晒。」他更坦言工作時候係唔同,但私下食飯就係一個普通人士,就唔想有太多Focus 

adblk5
相隔5分鐘後,店員再捧出蛋糕,今次真係到Ian。 Ian表情尷尬,但亦有開心許願。

昨晚(13日)Ian便在社交網貼出當天慶生的片段,原來他是與AP潘宇謙及另一友人食飯,並寫道:「社恐現場」,片中見他如訪問中所說,起初店員捧蛋糕出來,Ian 以為是為他慶祝,原來是隔離的客人,Ian既怕羞又緊張說道:「嚇死我呀﹗」未幾,店員再捧出蛋糕,今次真係到Ian Ian 表情尷尬,但亦有開心許願,友人則在旁謂:「每人一張飛。」而潘宇謙留言笑指:「下次會唱『恭祝你福壽與天齊~』」。