陳奕迅接受周國豐訪問，大談自己的家庭。
陳奕迅(Eason)近日接受周國豐主持的港台節目《音樂中年》訪問，上周播出的內容環繞住Eason的音樂及家庭事。港台日前在其官方ig上載一段Eason分享去年新年發生的催婚趣事，當中的字幕更出現「來都來了」，令不少網民笑爆。
Eason在訪問中提到當時為了緩和氣氛，他安慰親友的男朋友表示很多東西都是衝動，像他的出世也是一場意外，沒料到陳媽媽在訪指Eason出世是一個錯誤，此時Eason笑過不停。周國豐續問「你依家睇返係咪一個mistake？」Eason說︰「我唔知喎！嚟得呢個世界總有佢原因，嚟都嚟咗(來都來了)！I am一個mistake，哈哈哈哈！」
Eason表示自己不喜歡小朋友，「我有咗個女之後，我發現自己係唔鍾意小朋友……我甚至係唔生仔，唔使要小朋友。好多人以為阿徐唔鍾意小朋友，但其實係倒番轉。」Eason更揦埋口面說︰「佢同你溝通唔到呀，有咩咁得意啫？咁不如狗仔咪仲得意。」他稱直至女兒開始可以說話，甚至在康堤踏入青春期以後連繫得更緊密，「跟住愈嚟愈鍾意」，父女感情愈來愈好，「所以佢係一個好嘅意外嚟㗎」。
Eason稱自己在娛樂圈過得不太辛苦，但近年經濟各樣等因素，「唔知點解，其實香港人好沮喪㗎嘛，個氣氛影響到我覺得依家係好辛苦，唔止係氣氛，我係覺得個年紀去到呢個階段係唔容易。」對於囡囡入行，他大讚囡囡的聲音是好聽，於是著她做和音，體驗一下，安排李榮浩對康堤的表現作批評，令囡囡清楚自己想要甚麼。
他稱可能是爸爸的關係，因此康堤沒有跟他分享創作過程，甚至不想他去看她的演出。Eason稱囡囡的出道作《Doll》的音樂班底、製作各樣都非常好。問到他有何建議給囡囡，Eason說︰「你要諗下係咪咁鍾意做音樂，創作音樂，因為呢樣對我嚟講係最有樂趣，點樣去發掘一個節奏、字嘅輕重、收尾，點樣去傳譯一首歌、表達情趣，我相信佢係知。千祈唔好俾啲無關痛癢嘅comment影響到。」
立即更新/下載AM730手機APP 體驗升級功能
