陳展鵬愛女明幼幼稚園畢業。
陳展鵬與單文柔2018年結婚，其後誕下女兒陳諾瑤（小豬比） ，不經不覺小豬比已經6歲，準備升讀小學一年級，單文柔今日（19日）在社交網大曬女兒幼稚園的畢業照。
陳展鵬和單文柔在小豬比幼稚園最後的上課天，齊齊親自到學校接放學。
相中見陳展鵬和單文柔在小豬比幼稚園最後的上課天，齊齊親自到學校接放學，小豬比穿起粉紅色畢業袍，非常醒神，更旋風式長高了不少，跟媽咪十足餅印。單文柔寫道：「畢業啦！我們的寶貝大個女喇！I'm so proud of you，最後一次喺幼稚園接你放學，望住你喺課室嘅身影，突然時光倒流。」單文柔憶起小豬比初入幼稚園至今的過程，並表示：「記得第一次番幼稚園時候 ，你仲會攬住我喊，唔想入去班房，之後接放學，你永遠係『最尾一個走』，因為要同晒每位老師傾完計先捨得離開！真係估唔到，一瞬間，就著住畢業袍喺台上揮手，同K3講再見。」
單文柔續指當年好友陳敏之跟她興奮分享其兒子亦在這間學校讀得非常開心，慶幸小豬比亦能成功入讀，並表示：「好多謝你分享，Quinta 擁有咗三年開心又溫暖嘅童年回憶～」她又感激學校所有的校長和老師用盡愛心和笑容，為小豬比帶來一個充滿愛和快樂的童年。據知，胡杏兒三個兒子、麥秋成湯怡的女兒、雨僑的女兒亦是該校的學生。
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
