陳展鵬結婚5周年 激嬲老婆單文柔後送「原諒檸檬茶」道歉

陳展鵬跟單文柔於2018年結婚，婚後育有一女「小豬比」陳諾瑤，轉眼間兩公婆已經結婚五周年，昨天（13日）單文柔在社交平台分享兩人的生活點滴。

相中見有二人甜蜜的合照，當中有一張是陳展鵬與一杯名為「原諒檸檬茶」的飲品，及一張寫住「單文柔，別生氣。老公」的便條相。單文柔大爆原來去年跟老公去內地拍劇，卻俾老公激親，她寫道︰「呢張相係上年拍《香港人在北京》嘅時候。早上為咗小事互相頂咗兩吓嘴，其實都忘記了什麼事，當時就感覺好似好大件事。同日我去接佢收工嘅時候，他買咗杯『原諒檸檬茶』給我，然後帶我去咗間舖頭，指着塊牆叫我看。生活難免會有磨擦，發現好多時都係男生執著喺道理上，女仔就講情感。兩個人相處就係一個學問，要體諒對方嘅難處，多包容對方嘅短處。陳生！我哋要繼續好好學習。五周年快樂﹗」網民都紛紛留言表示二人十分甜蜜，更笑言：「一張字條一杯嘢飲，咁易氹嘅」。