Kelly今晚於紅館舉行演唱會尾場，第10場請來馮德倫任演唱會嘉賓。
陳慧琳（Kelly）一連10場個唱《陳慧琳Season 2 萬人結界》今晚（27日）於紅館舉行尾場。第10場請來馮德倫任表演唱會演嘉賓，這是馮德倫繼2023年擔任Kelly澳門場演唱會嘉賓後，兩人再次同台表演，亦是馮德倫跟雷頌德（Mark）相隔多年後難得以二人樂隊Dry姿態合體。
馮德倫今日以全黑休閒運動打扮示人，孭著結他登場，孖演唱會固定嘉賓音樂總監雷頌德、單立文（豹哥）和Joey Tang型格登場，為經典金曲《紀念日》伴奏，Kelly再跟Dry同台合唱《紀念日》，瞬間炒熱全場氣氛，觀眾不斷歡呼吶喊。
今晚演唱會除了有馮德倫驚喜登場，還請來草蜢三子擔任壓軸嘉賓，Kelly與草蜢合唱《熱力節拍Wou Bom Ba》和《打開天空》，唱畢後，笑言特登以白色裙配襯蔡一傑、蔡一智和蘇志威，半說笑指似結婚，有3個老公很開心。
這是蔡一傑(傑仔)自接受腦部手術切除腫瘤後第一次踏上紅館表演。傑仔在台上感性表示：「今日第一次上返呢個舞台，Kelly 誠邀我亦都比呢個機會我可以嚟到呢個舞台。喺我做完手術出嚟公布嘅消息嘅時候，Kelly係第一個發訊息俾我，佢好擔心我，佢仲同我講佢話死啦，你個頭開咁大個疤，好心痛呀！你要快啲好返加油，不斷喺度鼓勵我，仲讚我光頭嘅時候都係咁型仔，Kelly其實係圈中裏面人緣好好啦！佢由出道開始，我哋三個都一路睇住佢長大，一路好努力做佢自己嘅工作，包括佢拍戲演唱會又好，每一樣嘢佢都係做得咁好，有一樣嘢仲好就係佢個人由以前到而家都冇變過，一樣都係咁真誠去對人。」
草蜢宣布明年4月踩上紅館
蔡一傑感性發言後，陳慧琳準備將舞台交給草蜢前，合蔡一智宣布草蜢將於明年4月在紅館舉行演唱會，並即時邀請Kelly屆時擔任嘉賓，有來有往。接著，他們驚喜送上未派台的全新歌《老的辣》，新歌由草蜢作曲、黃偉文填詞，寓意「薑越老越辣」，狀態大勇的草蜢齊齊以新歌炸爆舞台。
立即更新/下載AM730手機APP 體驗升級功能
