Kelly與伊健多數合作電影，音樂上屬罕見。
《陳慧琳Season 2萬人結界演唱會》10場演出接近尾聲，昨晚(26日)第9場請來鄭伊健任表演嘉賓。Kelly介紹伊健出場時透露，他原定在20日擔任嘉賓後離港，但因颱風要延期，最終改機票留港。 二人合唱《甘心替代你》後，伊健分享鮮為人知的往事，他說：「拍《東京攻略》ending時，我要拍攝喺零度跳海嘅爆炸戲，當時凍到郁唔到等船接，點知Kelly伸出『神聖之手』。雖然拉唔到我上船，但佢特登走出嚟，呢份心意我一直記得。」
Kelly大笑：「真係全靠隻手。」 伊健繼續爆料：「當時拍動作戲搞到肌肉撕裂， Kelly送盒粉紅色平安膏俾我，好感動，但真係唔多襯佢形象。」
Kelly得返半條命
Kelly以前出埠最鍾意帶平安膏，又說同伊健合作多數在海外。她說：「《東京攻略》喺東京、《幻影特工》喺馬來西亞、《盜馬記》喺布拉格，仲有30年前澳洲演唱會，所以今日專登著西芹裙歡迎！」伊健笑她似「Big Bird」。他又表示《甘心替代你》是自己首次同人合唱。Kelly換衫時，伊健唱出《發現》。
另外音樂總監雷頌德(Mark)特別從英國返港助陣，台上表示感謝Kelly與她的經理人鍾珍：「你成日多謝我，搞到好似冇雷頌德就冇陳慧琳，其實冇陳慧琳就一定冇雷頌德。真係㗎！」最後他與單立文、Joey Tang送上《一切很美只因有你》，搞到感性Kelly再次眼濕濕。完場時觀眾不肯離開，Kelly出場encore：「把聲開始沙，聽日仲有尾場，真係得返半條人命！送首少唱嘅《You’re the one》俾大家。」
立即更新/下載AM730手機APP 體驗升級功能
