娛樂
2020-02-06 18:22:00

陳樂榣呼籲互助抗疫 義派殺菌消毒水

分享:

「武漢肺炎」疫情持續擴大,前藝人陳樂榣(Alley),近日在網上開Live時與網民分享疫情及防禦措施,體會大家為撲口罩與消毒藥水之煩惱,為解市民燃眉之急,她歡迎市民自備噴樽或水樽,到其位於銅鑼灣的WOW Fashion Jewellery之 ShowRoom免費取消毒水,她說:「行勻銅鑼灣藥房都搵唔到消毒嘅代替產品,後來醒起自己過年前為咗清潔首飾,同自己為健康飲多啲水,所以響ShowRoom添置了一部電解氧化水機,部機其中一個功能就係製造HOCL次氯酸pH2.5強力消毒水,,所以解決咗我唔使周圍撲消毒水嘅煩惱,市民可以自備容器免費嚟攞,而次氯酸pH2.5消毒水最好10日內用完,所以大家一星期來攞一次,我相信部水機可以足夠應付,幫到人何樂而不為呢。」

adblk5

Alley稱,她開設的WOW Fashion Jewellery在Facebook與Instagram賬號,有呼籲市民自備容器到其店內,就可免費取消毒水,為方便安排,只要在其店的網上平台留名就可預留到其店內取消毒水,她續說:「我只係同大家一齊發揮互愛互助精神,抗疫唔係一個人嘅事,而係大家嘅事。」據知,Alley的電解氧化水機,其中一項功能可製造有殺菌作用的HOCL次氯酸pH2.5強力消毒水,更不會如酒精般傷皮膚。