陳豪一家早前到加拿大旅行，享受家庭樂。
科技進步時代變遷，現今小朋友隨手也會拿起電腦學習、睇戲和打機。模範爸爸陳豪愛錫子女，但又不希望子女變成「網癮兒童」。開學臨近，陳豪發現「開學驚恐症候群」。早前趁子女未開學，陳豪與老婆陳茵媺(Aimee)偕3名子女Aiden、Nathan及Camilla，一家人到加拿大旅行，食好嘢之餘又玩水上樂園參觀博物館等節目。陳豪今日在IG限時動態上載囝囝上網打機的背面相，似乎有所暗示。
培養上網好習慣
陳豪在IG寫道：「問問大家，仔女慢慢大，多咗時間要上網或者用手機，點樣先可以培養到好嘅上網習慣，等佢哋自動自覺收埋手機？」問題令大量家長好有共鳴，紛紛留言訴苦：「我姪仔有次求其開咗啲網睇動漫，唔覺意click咗入成人網，嚇死我」、「最怕係啲食軟唔食硬，你同佢講經就唔聽，你真係鬧又怕影響關係」。有網民抵死留言：「快啲同朕check下解決方法」。陳豪在劇中的金句，果然深入民心。
立即更新/下載AM730手機APP 體驗升級功能
