陳豪最近為男士服裝品牌白恤衫拍攝新一輯廣告。
陳豪最近為男士服裝品牌DETERMINANT Premium Series白恤衫拍攝新一輯廣告。陳豪表示自己常穿恤衫做配搭，以應付不同場合需要：「一個成熟嘅男人，可以揀著咩衫嘅選擇真係唔多，除咗戲份之外，平時我都係恤衫為主！因為做『型男』要犧牲，因為Fans隨時搵你合照，所以無論幾熱都要『斯斯文文』，做足準備！正正係咁，揀啱自己嘅恤衫好有難度，要有彈性又要透氣，淨色得嚟又要有暗紋，因為稍稍求其就會變『大叔』。」
陳豪表示自己常穿恤衫做配搭，以應付不同場合需要。
事業家庭兩兼顧
雖然陳豪忙於拍戲及照顧家庭，他亦分身開拓咖啡事業，商務衣著實為最佳日常配搭：「因為有時中間有空檔就去傾工作、見客，太求奇比唔到信心人地，要無時無刻都注重細節，比人追求高品質嘅感覺，有呢啲態度先比到信心人地同你做拍檔。」陳豪就話小朋友嘅學業由太太負責，但自己有時間都盡量參與，希望同子女同行成長：「雖然佢地返學啲事情由媽咪負責，但有空檔我都會趕去參與，所以恤衫簡約得嚟又得體！如果真係突然要見家長，都可以比到『穩重』、『注重細節』嘅感覺老師，哈哈！當然佢地好乖，暫時都冇機會發生過呢啲情況。」
陳豪就話小朋友嘅學業由太太負責，但自己有時間都盡量參與。
立即更新/下載AM730手機APP 體驗升級功能
