Ad Block Ad Block
娛樂
2023-03-16 18:29:00

隱形戰隊|監製上載葉蒨文被虐截圖撞樣楊卓娜 本尊都質疑:我差啲以為係我

分享:

由馬國明、陳山聰、唐詩詠及劉穎鏇主演嘅TVB劇集《隱形戰隊》正在熱播中,劇集除咗有唔少驚險槍戰場面及搞笑情節吸引觀眾之外,一班劇中演員同樣非常搶眼,深得觀眾及網民愛戴。劇集監製文偉鴻(Jazz)連日嚟喺個人社交網站分享每集嘅亮點,而噚日佢就預告兩個噚晚登場嘅新角色-葉蒨文及羅孝勇。

文偉鴻喺IG上載咗女演員被膠紙封口兼綁喺床上嘅截圖,並留言話「大家估下佢係邊個!」,葉蒨文就搞笑回應:「楊卓娜?」,楊卓娜亦有留言話:「我差啲以為係我」。雖然唔少網民估中嘅葉蒨文(Sophie),不過亦有網民話好似楊卓娜:「有啲似楊卓娜又似葉倩文!」及「仲以為係卓娜」等等,更有網民建議佢哋可以飾演姊妹:「蘇菲,娜姐,姊妹花,有得諗喎!」

葉蒨文港姐32強出局

30歲嘅葉蒨文喺中五畢業後前往英國升學,於名牌大學京士頓大學完成服裝設計系學士學位,2016年參選香港小姐,可惜32強出局。未有放棄入行嘅佢,修讀訓練班後由路人甲做起,後來加入《愛·回家》劇組,原本只係飾演一個冇名嘅大學生角色,不過之後獲監製睇中飾演固定角色「島大女神」Candy,更憑角色成功彈出,深得網民喜愛。去到前年,葉蒨文獲得無綫經理人合約,成為親生女,同年年底獲提名競逐「飛躍進步女藝員」。佢今次喺《隱形戰隊》中飾演富商周昌盛(杜燕歌飾)個女Cindy,佢以一身打網球嘅造型登場,非常養眼。最新劇情講到原本患有心臟病嘅Cindy,因為移植咗蔡燕芬(謝文欣飾)嘅心臟後康復,不過因為咁就惹嚟蔡燕芬未婚夫凌毅(許家傑飾)綁架及企圖殺害佢。

監製讚羅孝勇是好演員

而噚晚嗰集新登場嘅仲有羅孝勇,佢喺劇中飾演殺手陳環,文偉鴻上載其截圖後留言大讚:「請大家記住呢位好演員 佢舉手投足都散發住一股野獸味道!Perfect cast!!! 超強殺手,陳環-羅孝勇」,噚晚嘅羅孝勇喺升降機登場,著上男護士制服嘅佢喺升降機中與馬國明及唐詩詠發生槍戰,充滿劇味。

Ad Block

原文刊登於 Yahoo 娛樂圈

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受