雲浩影首張大碟面世 百變造型影封面

雲浩影(Cloud)首張個人專輯《THE CLOUD》今天(19日)面世，並於晚上舉行新碟發佈會，廣邀傳媒及圈中前輩好友出席，親臨見証她在樂壇的第一章。新碟收錄了冠軍歌《密切接觸者》以及三首今年的派台作品，還有一首英文歌作為彩蛋，送給歌迷聖誕小驚喜。

拍攝唱片封面及相集當天，Cloud以多個造型亮相，除了高貴優雅寶石Look、充滿節日氣氛的紅色「禮」服、帶點反叛感的短裙Look，以及冰山美人Look之外，還有Cloud穿著藍色紗裙赤腳邊跳舞邊拍照，仙氣十足。她說：「好開心，著咗好多靚衫，同埋邀請到好犀利嘅攝影師『MissBeann』合作，佢喺日本參與過好多大型企劃，而我第一次跟女攝影師合作，感覺好新鮮、有趣。」

提到今次唱片名字，Cloud說：「最初都有諗過好似其他歌手推出同名唱片，但總覺得Cloud一個字，好似欠缺咗少少，結果MissBeann提議『THE CLOUD』，大家都好鍾意。」