霍汶希首度與14歲囡囡Hanni拍雜誌封面！
金牌經理人霍汶希（Mani）今日（17日）生日，今年她收到一份超級特別的禮物，就是跟十四歲的囡囡Hanni首次齊齊拍攝雜誌封面！這不單是Hanni人生第一次，更加是兩母女的珍貴時刻，Mani開心到爆之餘，更謂是今年最正的生日驚喜！Mani今日於社交平台解密這個「生日彩蛋」，興奮寫道：「Hanni一眨眼已經高過我，已經係可以同我並肩企係鏡頭面前淡定擺pose嘅少女喇！」Hanni完美遺傳媽咪基因，首次拍攝封面零怯場，更被Mani大讚勇敢：「你帶俾我好多驚喜，同我一齊創造呢份獨一無二嘅回憶，係最好嘅禮物！」
Hanni完美遺傳媽咪基因，首次拍攝封面零怯場。
今次拍攝更爆出母女搞笑日常，化妝set頭期間，Hanni竟然投訴：「媽咪用假睫毛瞪我。」Mani即反擊：「唔好成日用呢啲樣呀阿女，俾啲面好喎，大佬。」Hanni即時變臉擺出乖巧樣望着鏡頭，仲串爆媽咪：「有鏡頭對住我就會咁樣。」Mani無奈道：「你唔好扮嘢呀。」Hanni不甘示弱：「你都唔好扮嘢。」最後Mani自己都忍不住笑：「我哋嘅關係真係好好㗎。」問到第一次拍雜誌感受，Hanni淡定一句「好玩」，而Mani就大讚囡囡：「佢好放鬆，係個有自信嘅女仔。我最重點教佢人品，因為做乜嘢人都好，人品最緊要。」今次拍攝記錄了二人重要的成長時刻。Mani坦言這份禮物對她跟Hanni都意義非凡，因為Hanni即將出國讀書，這次封面就當係母女二人最甜密的留念。至於生日願望，Mani感性對囡囡祝福：「新嘅一歲，我最大心願依然係你能夠平安喜樂！」
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
