劉青雲昨天以大使身份出席電視台的季度節目巡禮活動，談到愛看電視程度，青雲坦言經常於凌晨兩、三時回家，卸妝後便坐下看電視和錄映帶，他說：「成日會睇《教父》、《的士司機》呢啲經典電影，睇到識得背啲對白，有時睇到攰到瞓著。」
現時很多觀眾愛於網上和手機上看電視，他坦言：「時代進步，呢個係大勢所趨，亦都知道影響到電影票房，不過自己唔鍾意用手機睇劇或電影，始終大銀幕好睇啲，感覺太唔同。」
問到青雲會否常看自己演出的作品，他直言：「依家唔會，或者等將來退休住老人院時先翻睇，咁樣會客觀啲、清晰啲評價自己嘅演出。」他還指和太太郭藹明看電影的口味差不多，故二人不會爭看電影或劇集。