周慧敏(Vivian)出席演唱會《一萬年天荒愛未老》發布會，她感謝歌迷30年來的支持，公布明年1月個唱加至3場，皆因門票在預售時已被搶購一空，問她若再大賣會否再加場，她笑言未想過，現在先把能做的做到最好。
提到演唱會嘉賓，她透露：「已邀請咗王馨平同湯寶如合唱《美少女戰士》，但唔會著美少女戰服，反而想帶俾大家一啲唔同嘅驚喜。古巨基就會做演唱會總監，好多謝佢幫忙揀歌衫，同埋好多費心神嘅事。」
談到丈夫倪震可有讚她的演唱會海報，Vivian甜蜜笑道：「佢鍾意呀，如果我鍾意佢都會鍾意，我開心他都開心。(會否邀請他上台？)他做觀眾就好啦，因為佢好耐之前，已經俾過驚喜我啦，今次佢俾我開演唱會，已經係俾我最大嘅支持。」
先斬後奏唔同老公講
她又笑稱，這次是跟丈夫先斬後奏，「我都唔知道仲有冇下一次，所以好珍惜，會盡情投入今次演唱會，希望令愛我嘅人開心。」問到可有鍛練保持體力，她表示：「有啊，好早之前已經做準備，又同聲樂老師上堂，所有嘢都準備緊。」再問到會否與丈夫一起鍛練，她就大讚丈夫如今已是最佳狀態。
Vivian表示，老公讚她的演唱會海報靚。