張敬軒昨晚在3號風球下在澳門戶外演出，特地提早演出，讓觀眾盡早回港。(娛樂組攝)
張敬軒昨晚(19日)在颱風韋帕來襲下，懸掛8號風球之前，現身澳門擔任「銀河幻影狂野派對」表演嘉賓，向來寵粉的軒公為了讓觀眾盡早睇完show安全回家，特地提早表演時間，非常貼心。在人氣DJ Molly熱力暖場後，張敬軒壓軸登場，首先《羅賓》和《酷愛》為演出掀序幕，更出動私伙巨型水槍，射向在衝浪池中睇表演的觀眾，炒熱全場氣氛。隨後深情演繹代表作《MyWay》和《只是太愛你》，在天公造美下無風無雨，最後以《櫻花樹下》為演出畫上圓滿句號。
出動米蘭空運來港水槍
張敬軒在表演前受訪，對於韋帕「來都來了」，可擔心在風雨下演出時，他表示早已看過天氣預測，今日凌晨才掛8號風球，「不過最擔心是觀眾和fans如何安全回港，所以都推前了所有表演時間。」軒公罕有地穿背心露臂上陣，他笑言戶外演出沒理由仍穿皮褸，他直言，「我平時冇操開，但呢段時間增磅了，否則兩支香雞腳唔好睇。」他笑言這把年紀較難操肌，他自爆現時已增磅至約68公斤，但跟教練所定的目標75公斤仍有一段距離。
首次在人造浪的室外泳池表演，他興奮分開綵排時的體驗：「未試過見到咁多著得咁少嘅觀眾，仲要係女觀眾，我覺得自己好似喺果園，全部都係生果，波濤洶湧。」今次他更特地出動私伙巨型水槍，「喺米蘭買水槍，射出嚟係會痛！」
見證Tyson結婚 淚流披面
談到米蘭之旅，最深刻當然是出席Tyson Yoshi的婚禮，張敬軒更與Tyson和Christy的家人同住，他自言視Tyson為弟弟，回想他第二次感染COVID時，Tyson和Chrisy特地買食物送上門，感情要好。對於為Tyson婚禮打點，軒公自言是職業病，「因為文化差異，今次是聘請意大利世界級的專業團隊籌備，但始終唔明華人的禮儀，例如座位表是free sitting，但我哋要分男家女家。」他表示在行禮期間忙於打點細節，不算太感動，「不過前一晚和婚禮當日宣讀誓言綵排，尤其對著契媽的誓言，真係淚流披面。佢哋兩家人的聯繫好緊密，所以好感動。」
香港各行業 大環境考驗
談到英皇債務危機，張敬軒表示在傳媒報道後，集團老闆有親自解釋財務狀況，今次主要地產方面出狀況，但相信仍然穩健，「香港各行各業面臨大趨勢，大環境嘅考驗，我哋集團嘅分公司唔係單一例子，需要內部業務調整，與銀行配合，點樣令各行各業共渡時時艱，反而係最重要。今年娛樂行業都面對新挑戰，我哋歌手行業都變緊陣。」
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
