李靖筠（Gladys）今日（8日）推出全新廣東歌曲《Getaway》，作為今年首隻主打歌，歌曲講述一個女生帶着男生出走的故事。新歌MV由Gladys自編自導自演，並找來好友黃溢豪擔任MV男主角及KB客串一幕。 她說︰「其實MV喺我心目中一直佔有一個很重要嘅地位，為了令今次作品更貼近自己，我邀請我嘅好朋友Karlson Tsang一起執導。」我眼中嘅衝動其實係經過深思熟慮，每個人總會有一啲壞壞嘅fantasy，但一直冇膽量同足夠嘅原因去完成，於是我就將呢個衝動女生帶住男朋友冒險嘅故事放喺我mv入面。」
Gladys跑勻港九取景，包括油麻地戲院、數碼港海邊、薄扶林、香港仔等。對於首次執導，Gladys坦言有點「呢hea」，「嚟到今日，其實我自己都覺得自己係非常之魯莽，因為太多嘢自己唔熟悉，發現原來好多時幕後嘅人真係幫我安排咗好多好多嘢。」問到MV最喜歡的情節，Gladys說：「偷入戲院睇戲、偷車四處road trip、偷入人哋屋企當成自己屋企，戲裏戲外每一幕我都係十分享受。」
【立即參加】送Rollink全球最輕薄可摺疊手提行李箱🧳！
