2025年港姐冠軍陳詠詩，本身是運動員出身，食正今年全運會，更有意義。(鍾式明攝)
《2025香港小姐競選決賽》於昨日舉行，冠軍由大熱門9號陳詠詩（Stacey ）奪得。陳詠詩在賽後接受訪問分享得獎感受：「得獎之後我唔知點樣做，喺台上突然之間叫我個名，我個腦突然之間空白咗，但我係好感動同開心。」
談到她在台上領獎時，身體在震動顯得非常緊張，她表示：「有震呀？有少少震，可能我唔知，哈哈！」被問到最初參加選美時是否有信心勇奪殊榮，她說：「其實有信心，不過問答環節有少少緊張，始終都唔知道會問啲咩問題，往屆都有好多唔同創意嘅問題，唔知自己緊張嘅時候，又着住泳衣嘅時候，有冇兜到圈？嗰個問答之後就變返正常狀態，就變返興奮。」
陳詠詩表示當時在台上非常緊張。
講到勇奪冠軍第一樣最想做的事情，她直言：「我好想同屋企人慶祝，啱啱見面，但我哋未有真正慶祝。後台有少少朱古力，我想食朱古力。」提到男朋友有否到場支持，她說：「我剩係得兩張飛，要俾爸爸同妹妹嚟。」她又坦言沒想到太多，不想因而影響表現及心態，目標是一心只想做好，沒有遺憾。
陳詩詠成為港姐史上首位運動員出身的佳麗。(鍾式明攝)
被問到會否考慮做藝人，她說：「其實我對幕前嘅工作都好有興趣。」並指自己退役之後，失去表演機會，一直都好掛住以前表演，參選香港小姐是想看看自己是否適合做幕前。
至於比較喜歡拍劇或是司儀工作，她回應：「其實兩樣都可以，始終未試過做司儀同埋拍劇，唔知自己有冇天份。要我喊，會唔會即刻喊到？唔知有冇呢個能力」談及若果有機會接拍劇演出親熱鏡頭，是否要先詢問男朋友，她表示：「呢樣嘢就唔知啦！睇吓會唔會拍劇行到咁遠？」
陳詩詠表示自己有興趣做幕前，但不知道自己有沒有天份。(鍾式明攝)
提到是否希望加入《愛‧回家》劇組，她表示：「《愛‧回家》一定係每一個都最有興趣，媽咪喺美國嘅時候每日都會睇，俾到佢好香港嘅感覺。」至於最欣賞《愛‧回家》哪一位演員，她表示：「我好鍾意三太（樊亦敏），因為佢真係好好笑。同埋我哋有一個佳麗（10號文雅儀），我哋個個都話佢啲動靜，同埋所有嘅嘢、佢啲笑話都好似三太，所以我哋個個諗起三太就諗起今年嘅香港小姐。」講到是否希望演出搞笑角色，她說：「有興趣囉！但我唔知道大家會唔會覺得我好笑，有時可能會覺得我太正經！」
