苟芸慧在Instagram上載與香香、李亞男及鍾嘉欣的合照。
一對新人在教堂行禮。
香香公主嫁人喇！32歲的岑麗香昨日與老公強強在溫哥華舉行婚禮，處女黨的好姊妹苟芸慧、鍾嘉欣、李亞男，以及鄭欣宜亦有到場。一對新人更在一眾記者面前放閃，甜蜜滿瀉。
一對新人在教堂行禮後，換上中式禮服裙褂向父母敬茶，並接受傳媒訪問，香香表示，與老公都是基督徒，所以在教堂行禮，主要邀請屋企人、兒時玩伴及教會朋友等，約300人，姊妹團亦是加拿大的朋友。談到接新娘環節，香香透露有匿埋做觀眾，笑言辛苦了老公和伴郎團：「好大犧牲，差啲咀對咀，仲要腳趾食提子，辛苦你哋啦！」強強即時插咀道：「唔係我哋，係辛苦我呀！」問到會否埋怨老婆時，他更搞笑地說：「都會呀！」之後香香又問強強：「我係咪好好？」強強速回：「好好好！」香香即冧爆回應：「你都好好！」問到強強平日如何稱呼香香，他表示：「喺屋企就叫佢蕉蕉嘅！香蕉啊！」
談到蜜月之旅，香香表示會先去一個短途旅行，之後再回港工作及慢慢計劃蜜月，婚後亦不想再與老公分隔兩地，「我哋唔想再long distance啦，好辛苦，依家安排緊點樣喺香港一齊生活！」
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
