Ad Block Ad Block
娛樂
2024-06-05 18:00:00

馮允謙推出A Cappella版《Jay Fung儀態訓練學院》 欲跟梁釗鋒學beatbox

分享:
Jay Fung推出A Cappella版《Jay Fung儀態訓練學院》。

Jay Fung推出A Cappella版《Jay Fung儀態訓練學院》。

Jay Fung馮允謙早前推出新歌《Jay Fung儀態訓練學院》,填詞人黃偉文(Wyman)坦言在譜寫歌詞時,腦內想到有兩個不同演繹方法,一種歇斯底里式怒火大爆炸,另一種則是「camp精式姣屍燉篤」版,最終,Jay Fung選擇了前者,最近還發掘出第三個版本,就是A Cappella version,更邀請了共有10位成員的The Kickvoxers一起參與,其中一位成員Guddy更是他的唱歌老師,「佢幫咗我好多,由我兩年前第一次喺九展開演唱會,到舊年去紅館開show,我好需要vocal stamina(聲韻耐力),去令自己把聲更強。」

Jay Fung與A Cappella組合The Kickvoxers合作。 Jay Fung與A Cappella組合The Kickvoxers合作。

首次與唱歌老師Guddy合作  

至於為何會有這個版本的構思,Jay Fung解釋:「其實諗咗好耐,想做一個新版本,但又諗唔到點去玩,最終我同我A&R同事Viki Chan一傾嘅時候就諗到不如試吓A Cappella,因為我比較少接觸呢個範疇,所以今次係一個好大突破。」問到他有沒有考慮試玩A Cappella,打算跟誰合作?他想了一想說:「我都想嘗試玩吓A Cappella,其實上年十二月,我同另一隊A Cappella group有合作過,當然我嘅負擔冇咁重,因為都係專注我主音嘅部份,和音嘅工作交番俾佢哋,所以我都想嘗試,唔知有冇機會,試吓唔唱主音,做吓啲beatbox,雖然我完全唔識,但我聽講釗峰識beatbox,可以搵佢一齊合作吓!」

Ad Block
Jay Fung表示由九展唱到去紅館,唱歌老師Guddy功勞甚大。 Jay Fung與A Cappella組合The Kickvoxers合作,成員包括其唱歌老師Guddy。 Jay Fung與The Kickvoxers合作,推出A Cappella版《Jay Fung儀態訓練學院》。

唔俾自己舉高手

當日拍攝《Jay Fung儀態訓練學院》的A Cappella version,在尖沙咀1881取境,現場的陳設走歐陸懷舊風,牆上掛滿多幅油畫,場景與《Jay Fung儀態訓練學院》MV非常類近,有一種互相呼應的感覺,但Jay Fung說,在歌曲的演繹方法上,卻大有不同,「原裝版會比較憤怒、激情,但今次A Cappella version,因為要配合大家把聲,所以呢個版本會收埋啲,會cool少少,所以頭先拍MV嘅時候都比較cool。」他自爆錄唱這歌時,雙手不期然有好多誇張動作,但原來喺鏡頭面前會好奇怪,剛才唱嘅時候,雙手好想郁,但又要壓制住,最終拍咗4、5個take,自己都好滿意,。」

請接受以下私隱政策及免責聲明,以示你同意am730內之私隱政策及免責聲明。了解更多
接受