娛樂
2022-07-06 08:11:45

馮允謙收張敬軒名錶以「啷啷」回禮 嬲未婚妻唔捧場(有片)

分享:
馮允謙收張敬軒送上名錶,他表示會好好收藏︱以免弄壞。 張敬軒送上14年前首開紅館騷買下的名貴手錶給Jay Fung,並在台上親自為他戴上。

出道10年的馮允謙(Jay)於StarHall舉行一連四場的首個個人演唱會「Have a JAY Time 2022 」,昨晚(6日)尾場有許廷鏗、王灝兒、柳應廷(Jer)、C AllStar的釗峰、陳健安等入場欣賞,Jay請來張敬軒擔任嘉賓,兩人合唱《愛斯基摩人之吻》後,軒仔唱出《追風箏的孩子》。演唱會在五度encore後,圓滿結束。

為首次個唱練舞操肌的Jay Fung大展舞姿,更笑說要做跳唱歌手,並頻頻吊觀眾癮問:「Jay Fung除衫邊個想睇?」不過又笑言公司不想他行性感路線。完騷受訪時,Jay Fung表示,日後有機會上紅館會再操Fit一點,或會騷肌滿足粉絲,因為了演唱會戒口操練,完騷首要吃漢堡包。

Jay Fung 胸肌乍現吊粉絲癮,表示公司不想他走性感路性,沒有騷肌。 Jay Fung為演唱會練舞操肌。 演唱會在五度encore後,圓滿結束。 Jay Fung表示完騷後首要吃漢堡包。

寄語珍惜時間「紅館見」

Jay Fung感謝AK(江𤒹生)、AGA(江海迦)、Jace(陳凱詠)百忙之中抽空做嘉賓,尤其感激張敬軒,「佢嘅演唱會我送咗兩張飛俾佢,我想佢嚟睇,但係佢竟然話想做我嘉賓。所以真係要多謝佢,佢真係好好,唔知點報答佢。」原來兩人從舊公司至今已認識逾10年,軒仔延續做嘉賓送禮物的「傳統」,從家裡夾萬精心挑選一隻名錶送給Jay Fung,這是他在2008年首次開紅館騷後,以歌酬買的名貴手錶,這隻錶陪他踏上不同舞台。台上的Jay Fung大為震驚,還問經理人能否收下名貴手錶,軒仔就除低名錶為Jay Fung戴上,寄語對方要好好把握時間「紅館見」。Jay Fung表示:「我一定會收藏、Keep喺安全地方,我諗我唔會戴㗎啦!唔想整壞、跌爛。(收喺夾萬?)一定會。(紅館會戴?)有機會戴。」

張敬軒唱完歌後,在台下欣賞變回小粉絲。 張敬軒主動提出做Jay Fung演唱會嘉賓。 Jay Fung唱《給缺席的人唱首歌》時,憶起病逝祖母,數度落淚。 Jay Fung與張敬軒合唱《愛斯基摩人之吻》。

下次唔嚟嬲死佢

Jay Fung為答謝張敬軒做嘉賓,原來早預備了禮物,他拿出一個金色「啷啷」,卻被軒仔扮嬲反問:「依家我冇啷啷咩?」全場爆笑。Jay Fung完騷後表示,知道軒仔喜歡藝術擺設,上次親手繪畫個唱門票給對方,今次決定真金白銀買迷你教堂鈴鐘送給他,不料竟收到厚禮,他笑說:「我有啲想講聲『Sorry皇上』,希望佢鍾意我個『啷啷』。」

提到父母特地從加拿大來港見證他首次開個人騷,未婚妻則未有捧場,Jay Fung笑言:「我唔想講佢呀!因為佢嚟唔到好可惜,但我有媽咪爹哋,媽咪爹哋好好,佢都好嘅,但下次上紅館,如果佢唔嚟,我會嬲死佢。(今次有冇嬲呀?)梗係有啦,邊個唔會嬲呀,唔好講佢啦。」

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受