魷魚遊戲3｜香港演員Jane Wong演女VIP 同謝霆鋒古天樂合作過
Netflix《魷魚遊戲3》日前上架，相信係唔少人呢個周末嘅煲劇之選。劇中代表上流人士嘅VIP當中，其中一位女VIP穿上粉紅色制服參與遊戲，並且以中文講對白，令唔少觀眾非常好奇係邊位演員飾演。有從事廣告工作嘅網民更加指呢位女演員係香港人！
追查之下，原來呢位女VIP係由香港演員Jane Wong演出，佢個人IG以貝兒介紹自己。由Jane嘅IG所見，佢曾經拍過甄子丹、謝霆鋒主演的《怒火》，而且演出過多個大型家電、保險、個人用品嘅廣告，相當同客戶歡迎。Jane 不時分享生活照，見佢相當好動有唔少運動照，有位日本人丈夫嘅Jane仲學習日本弓道，真係多才多藝。
原文刊登於 Yahoo 娛樂圈