麥明詩與盛勁為
「十優港姐」麥明詩（Louisa）與機師盛勁為（Keith）喺三月尾舉行一連三場「勁甜麥」婚宴後，展示幸福新婚生活。勞動節當日，麥明詩喺IG及小紅書上載一張老公着上機師制服及拉住行李喼嘅帥氣照片，不過就遭到網民留言批評。
麥明詩喺婚後多次上載與老公嘅合照，睇嚟新婚生活非常甜蜜。前日，佢喺IG及小紅書上載一張老公着上機師制服及拉住行李喼嘅帥氣照片，並留言話：「飛行員老公勞動節去勞動，早去早回呀。」
高EQ大方回應
除咗有網民大讚盛勁為靚仔及令人回想起《衝上雲霄》之外，更有網民留言應該crew唔應該着制服影相，留言：「好多crew都5會著制服影相，大家都會覺得好嘔心」，而一向高EQ嘅麥明詩就回應：「所以他樣子很無奈」。
另外，仲有網民留言話：「工作也要擺pose，請認真工作吧！幾百人性命在機上。」而麥明詩亦有回覆：「人家早到半小時」。
原文刊登於 Yahoo 娛樂圈
