黃建東將為《歡樂滿東華》擔任深宵環節的主持。（娛樂組攝）
黃建東將為《歡樂滿東華》擔任深宵環節主持，日前他出席記招時，搞笑表示為了不在主持深宵環節時打呵欠，於是用了近一年時間做夜鬼，臨天光才瞓，令在場賓客忍不住拍手。
他表示很開心可以為無綫的大騷做主持，今次的環節是與音樂有關，「呢個環節叫《東華non stop音樂會》，會喺《晚間新聞》後，真係好開心。對上一次做主持係3月嘅《博愛歡樂傳萬家》。」
過去有報名參加馬拉松的他今日（23日）有參加香港街馬21K賽事，他表示過去會有控制食量，今次親主要集中練跑、練體力，「如果太忍口，我唔夠力跑，今次我就練多咗步，拉筋拉多咗，前幾日有跑19公里。」他坦言因為之前跑渣馬時有足底筋膜炎，令他跑得很辛苦，所以現在會比較多拉筋，做足熱身才去跑步。
早前黃建東因為換電話一事被指貪慕虛榮，令他在社交平台上發長文回應。他說：「因為呢個形容詞真係令人好擔心，個電話用咗4年，如果真係貪慕虛榮就唔會用成4年。我仲要係就嚟死機先捨得換，都係電話公司啲人提我如果爆晒記憶體會拎唔番資料，所以先要換部大容量電話。」
黃建東表示自己一直都是貼地，不花霍的人。（娛樂組攝）
