七七與黃德斌合作，想加咀戲自肥。
阿正與七師傅演姊妹。
斌斌扮飛仔， 當街調戲七七。
譚仔雲南米線找來七仙羽、黃德斌及商台DJ阿正(黃正宜)等，拍攝新一輯廣告《鮮味呈緣》，黃德斌一人分飾演兩角，與兩女拍愛情戲份，期間需要扮賣魚佬飛仔混合體調戲七仙羽，又要扮戶戶送送餐專員，被扮演七仙羽孖生妹妹「八師傅」的阿正力追。黃德斌笑言好有豔福，「可以同七師傅談情，又要俾八師傅搭訕，不過就要加入唔少喜劇感。七師傅拍戲好有喜感，我用咗KK大叔呢類誇張少少演繹方式，現場大家笑到七彩，氣氛好好超開心。」
阿正扮聲七師傅聲演譚仔話
黃德斌指，阿正演的八師傅演繹誇張，有點似吳君如和詹瑞文的混合體。阿正則稱除飾演八師傅外，更要模仿七師傅聲音：「為咗演繹好八師傅呢個角色，我睇咗節目好多次，要學佢仙氣打扮，同模仿佢嘅『譚仔話』，自己都忍唔住笑。希望導演收貨，希望唔好醜化到師傅，佢嘅仙氣同喜感獨有，無人可以代替的。」
七仙羽想加吻戲自肥
飾演富家女七七的七仙羽，自言看了不少王家衛戲作參考，又說：「我又向導演提議我同德斌情深互望擺出『師傳愛你』心心手指甫士，為咗呢個鏡頭我哋NG咗幾次，我仲開玩笑想導演加接吻戲自肥。」
黃德斌調戲七仙羽 搭訕DJ阿正
立即更新/下載AM730手機APP 體驗升級功能
