【即時娛樂】宮澤理惠傳年底嫁森田剛

日本44歲女星宮澤理惠近來愛情事業兩得意，去年8月同尊尼組合V6森田剛合作舞台劇撻著，經常被目擊約會，又甜蜜遊沖繩，森田剛更搬到宮澤屋企附近，方便見面。現有日網爆料，宮澤理惠想喺年底前盡快再婚，因V6另一成員岡田准一同宮崎葵嘅婚訊傳咗多年，尊尼想岡田先結婚，才輪到森田剛，但宮澤唔想無限期地等落去，所以決定喺年尾搶閘結婚。而佢嘅舞台劇公演到9月底，而森田剛拍完《偵探物語》後，仲要忙V6演唱會到10月底，所以最快都要11月先有時間籌備婚事。