【即時娛樂】結束7年婚姻 唐寧宣布離婚

今年35歲、童星出身嘅唐寧，2010年同相差13年嘅舞台劇才子鄧偉傑拉埋天窗，婚後育有一子一女，倆人經常晒出天倫樂嘅相片。但唐寧經紀人今日凌晨宣布，唐寧與鄧偉傑去年分居，並於今年決定辦理離婚手續，結束7年婚姻，一對子女同唐寧生活，並由雙方共同撫養。 而唐寧FB則無發佈婚變消息，昨晚晒出子女同媽媽合照，並寫下：「母親大人，生日快樂，我愛您。」唐寧喺2007年同鄧偉傑合作舞台劇《爆谷殺人狂》結緣，拍拖3年於2010年結婚。