【春田田公仔】登Twitter搜尋冠軍 《大叔的愛》推LINE貼圖

日本BL人氣劇《大叔的愛》自開播以來，就喺亞洲掀起熱潮，除咗吸引一眾女fans外，搞笑劇情，亦令觀眾集集追睇，更因此登上twitter搜尋榜首。
該劇喺昨日播出大結局，觀眾仍覺意猶未盡，但製作該劇嘅朝日電視台已否認開拍電影版或續集嘅打算，不過為咗滿足一眾fans，將推出《大叔的愛》LINE貼圖回饋。劇中男主角田中圭憑飾演春田田一角人氣急升，連帶其他作品亦受惠，佢2016年12月推出嘅寫真集《KNOWS》，宣布即將再版上市。