粵劇老倌文千歲(華哥)、梁少芯夫婦(芯姐)，接受《舊日的足跡》專訪，二人是圈中的模範夫妻，芯姐憶述，當年是班主的她剛離婚，返港組班回美國演出，天意安排令她與華哥合作：「華哥答應演出嘅唯一條件，就係要同我做知己，嚇咗我一跳。其實我父母唔喜歡佢(華哥)，我都唔鍾意佢囂張嘅性格，後來我哋結婚，行內人同戲迷都唔接受我，對我嘅閒言閒語足足十年，都好難受，我要用行動去話比佢哋知我係一個點樣嘅人。華哥係好丈夫，我被佢嘅正直所感動。感謝主，華哥跟我信基督教之後，連打爛櫃嘅暴躁脾氣都改變咗。我哋結婚接近40年，我哋互相嘅仔女，甚至佢嘅前妻都安排移民咗去美國，大家住喺附近，一家人樂也融融就係人生所追求，簡單就係福氣！」